فرمان الہی
نماز کے اوقات
کوئٹہ کے علاقے سریاب روڈ اور بروری میں گیس لیکج کے باعث 2 دھماکوں میں 6 افراد جھلس کر زخمی ہوگئے ۔
ریسکیو ذرائع کے مطابق سریاب روڈ خلجی کالونی میں عبدالمنان کے گھر میں اہل خانہ نے سردی کے باعث سوئی گیس کا ہیٹر جلتا چھوڑ کر سوگئے، جس میں سے رات کے کسی پہر اچانک گیس لیک ہونا شروع ہوگئی۔
صبح جب اہل خانہ اٹھے اور ہیٹر جلانے کے لیے ماچس جلائی تو اچانک دھماکہ ہوا جس کے نتیجے میں خاتون سمیت 5 افراد جھلس کر زخمی ہوگئے جنہیں اسپتال منتقل کیا گیا۔
گیس لیکج سے دھماکے کا دوسرا واقعہ بروری روڈ عیسیٰ نگری کے ایک مکان میں پیش آیا جس میں ایک شخص ساغر جھلس کرشدید زخمی ہوگیا جس کو فوری طور پر بولان میڈیکل اسپتال منتقل کیا گیا جہاں اس کی حالت تشویشناک بتائی جاتی ہے۔
