IMF سےاسٹاف سطح کا معاہد ہ نہ ہوسکا، چین کیساتھ تجارتی معاہدوں اور قرضوں کی واپسی بڑے تعطل

اسلام آباد(مہتاب حیدر)آئی ایم ایف اعلامیے کا واضح مطلب ہےکہ فریقین کےمابین اسٹاف سطح کا معاہد ہ فائنل نہیں ہوااور مذاکرات آئندہ دنوں میں بھی جاری رہیں گے ، ذرائع کاکہناہےکہ چین کیساتھ تجارتی معاہدوں اور قرضوں کی واپسی مذاکرات میںبڑے تعطل رہے۔آئی ایم ایف اعلامیہ سے واضح ہوتا ہےکہ آئی ایم ایف مشن واپس آئے گا یا مستقبل میں ویڈیو کانفرنس کےذریعے یا کسی اور ذریعے
سے بھی رابطہ کر سکتا ہے تاکہ اسٹاف سطح کے معاہدے کےلیے مفاہمت پیدا کی جاسکے،آئی ایم ایف مشن کے جاری اعلامیہ میں پاکستان اور آئی ایم ایف کے مابین اسٹاف سطح کے معاہدے کا کوئی ذکر نہیں ، سرکاری ذرائع کے مطابق ریونیو ہدف ، توانائی کی قیمتوں اور چین کے ساتھ تجارتی معاہدوں اور قرضوں کی واپسی مذاکرات میں بڑے تعطل رہے۔