آپ آف لائن ہیں
منگل13؍شعبان المعظم 1441ھ 7؍اپریل2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

لاہور میں خاکروب کی ہڑتال دوسرے روز بھی جاری

لاہور میں خاکروب کی ہڑتال دوسرے روز بھی جاری


لاہور میں صفائی کرنے والے عملے کی ہڑتال دوسرے روز بھی جاری رہی، 2 دن سے کوڑے کرکٹ کے ڈھیر سڑکوں پر پڑے رہنے کی وجہ سے تعفن اُٹھنے لگا، شہریوں کا کہنا ہے کہ ان کے شہر کو نہ جانے کس کی نظر لگ گئی، لاہور کو فلتھ ڈپو میں بدل کر رکھ دیا گیا۔

لاہور ویسٹ مینجمنٹ کمپنی کے ملازمین تنخواہوں کی عدم ادائیگی پر 2 دن سے ہڑتال پر ہیں جس کی وجہ سے انارکلی، اردو بازار، بھاٹی گیٹ، پانی والا تالاب، میواسپتال چوک، لکشمی چوک، نسبت روڈ، ایبٹ روڈ، میکلوڑ روڈ اور دیگر علاقوں میں جگہ جگہ کچرے کے ڈھیرلگ گئے۔

عملے کی ہڑتال کے باعث شہر کے کوڑے دان بھی کچرے سے اَٹ چکے، اردگرد بھی کوڑا بکھرا ہوا ہے، شہری گندگی اور بدبو کی وجہ سے پریشان ہیں ان کا کہنا ہے کہ ان کے شہر کو کسی کی نظر لگ گئی ہے ہمارا لاہور ایسا ہر گز نہیں تھا۔

لاہور ویسٹ مینجمنٹ کمپنی کے ملازمین کا کہنا ہے کہ تنخواہیں ملنے تک کام نہیں کریں گے، حکومت اس سلسلے میں فنڈز جاری کرے۔

قومی خبریں سے مزید