کورونا وائرس، ہاتھ کی جگہ پاؤں ملائے جانے لگے

چین سے پھیلنے والے کورونا وائرس نے اب دنیا کے 81 ممالک کو اپنی لپیٹ میں لے لیا ہے اور وائرس سے اب تک 3203 افراد کی ہلاکتوں کی تصدیق کی جاچکی ہے۔

کورونا وائرس کے پھیلنے کے خدشے کے باعث حفاظتی اقدامات کے تحت مختلف ممالک کے حکام نے ہدایت کی ہے کہ ایک دوسرے سے ہاتھ ملانے اور مصافحہ کرنے سے احتیاط کریں۔

کورونا وائرس سے اٹلی اور ایران میں ہلاکتوں میں اضافہ

چین کو کورونا پر قابو پانے میں کامیابی مل رہی ہے تاہم اٹلی اور ایران میں کورونا وائرس کے مریضوں میں اضافہ ہورہا ہے

اسی حوالے سے سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے لوگوں نے اب مصافحہ کا متبادل بھی تلاش کر لیا ہے۔

ویڈیو میں دیکھا جاسکتا ہے کورونا وائرس کے خوف سے دو لوگ آپس میں مصافحہ کرنے کے بجائے پاؤں ملانے کو ترجیح دے رہے ہیں۔

اس ویڈیو پر سوشل میڈیا صارفین کی جانب سے بھی ملے جلے انداز میں ردِ عمل کا اظہار کیا جا رہا ہے اور کہا جا رہا ہے کہ یہ طریقہ کورونا وائرس سے بچاؤ کے ساتھ ساتھ ملتے وقت مصافحہ کرنے سے بہتر ہے۔

واضح رہے کہ حال ہی میں کورونا وائرس کے خوف میں مبتلا جرمنی کے وزیر داخلہ ہورسٹ سی ہوفر نے  جرمن چانسلر انجیلا مرکل سے مصافحہ نہیں کیا تھا۔

کورونا کا خدشہ، جرمن چانسلر سے وزیر داخلہ نے ہاتھ نہیں ملایا

کورونا وائرس کے خدشے کے پیش نظر جرمن چانسلر انجیلا مرکل سے وزیر داخلہ نے ہاتھ نہیں ملایا، اس وقت جرمنی میں کورونا کے مریضوں کی تعداد 150 ہے

جرمن چانسلر نے جب اپنے وزیر داخلہ سے مصافحے کے لیے ہاتھ بڑھایا تو وزیر نے ہاتھ نہ ملایا اور صرف مسکرا کر دیکھا۔