• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوروناوائرس، چین میں مزید 22افراد دم توڑ گئے

تازہ ترین
بین الاقوامی خبریں
09 مارچ ، 2020

کوروناوائرس، چین میں مزید 22افراد دم توڑ گئے


چین سے دنیا کے ایک سو سے زائد ملکوں میں پھیلنے والے کورونا وائرس سے متاثرین کی ہلاکت کا سلسلہ جاری ہے جس کے نتیجے میں چین میں کورونا وائرس کا شکار 22 افراد دم توڑ گئے ہیں جبکہ 40 نئےکیسز سامنے آئے ہیں۔

سعودی عرب میں کورونا کے مزید 2 کیسز

سعودی عرب میں کورونا وائرس کے مزید 2 کیسز سامنے آگئے جس کے بعد یہاں کورونا کے کیسزک ی تعداد 7 ہوگئی۔

نیشنل ہیلتھ کمیشن چین کے مطابق چین میں کورونا وائرس سے مزید 22 افراد کی ہلاکت کے بعد کوروناوائرس سے اموات کی تعداد 3 ہزار 119 ہوگئی ہے جبکہ چین میں کورونا وائرس سے 80 ہزار 700 سے زائد افراد متاثر ہیں۔

خبرایجنسی کے مطابق اٹلی میں کوروناوائرس سے مزید133اموات ہوئیں ہیں جس کے بعد ہلاکتوں کی مجموعی تعداد 366 ہوگئی ہے جبکہ اٹلی میں کورونا وائرس سے متاثرین کے 7 ہزار 375 کیسز رپورٹ ہوئے ہیں۔

کورونا وائرس، اٹلی میں ایک ہی دن میں 133 افراد ہلاک

اٹلی میں کورونا وائرس نے وبائی صورت اختیار کرلی، ایک ہی دن میں 133 افراد ہلاک ہو گئے، اٹلی میں کورونا سے مرنے والوں کی تعداد 366 ہوگئی

خبر ایجنسی کے مطابق اٹلی میں کوروناوائرس کاپھیلاؤ روکنےکے لیے تقریباً ایک کروڑ 60 لاکھ شہری قرنطینہ میں منتقل کر دیئے گئے ہیں۔

دوسری جانب ایران میں کوروناوائرس سے اموات کی تعداد 194 ہوگئی ہے۔

خبرایجنسی کے مطابق دنیا بھر میں کوروناوائرس کےکیسز کی تعدادایک لاکھ 6 ہزار سےزائد ہوگئی ہے۔ جس کے بعد دنیا بھر میں کوروناوائرس سے تقریباً 3 ہزار 600 افراد دم توڑ چکے ہیں۔

فرانس، کورونا وائرس سے 16 افراد ہلاک، سیکڑوں متاثر

فرانس بھر میں کورونا وائرس کے نتیجے میں 16 افراد ہلاک اور 949 افراد کا کورونا وائرس سے متاثر ہونے تصدیق کی ہوئی ہے

بھارتی میڈیا کے مطابق بھارت میں کوروناوائرس متاثرین کی تعداد 40 ہوگئی ہے جبکہ بنگلا دیش میں بھی کورونا وائرس کے 3 کیسز کی تصدیق ہو چکی ہے۔

تازہ ترین