ہاتھ ملائیں گے، ہمارے پاس سینی ٹائزر ہے، لینگر

آسٹریلوی کرکٹ ٹیم کے ہیڈ کوچ جسٹن لینگر کا کہنا ہے کہ کورونا وائرس کے باوجود ‏ کھلاڑیوں کے ایک دوسرے سے میل جول رکھنے کے پلان میں کوئی تبدیلی نہیں ہوگی۔

جسٹن لینگر نے کہا کہ آسٹریلیا اور نیوزی لینڈ کے درمیان ون ڈے سیریز جمعے کو شروع ہو رہی ہے ، آسٹریلوی کرکٹرز میچ کےدوران ہاتھ ملاتے رہیں گے، ہمارے پاس سینی ٹائزر ہے۔

واضح رہے کہ ‏کورونا وائرس کے باعث دنیابھر میں کھیلوں کی سرگرمیاں مسلسل متاثر ہو رہی ہیں، ا س سے قبل انگلینڈ ٹیم نے سری لنکا میں کھیل کے دوران ہاتھ ملانے سے منع کر دیا تھا۔