• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہندو برادری نے مذہبی تہوار ہولی جوش و جذبے سے منایا،عمران خان، شہباز شریف، بلاول، زرداری و دیگر کی مبارکباد

آج کا اخبار
اہم خبریں
10 مارچ ، 2020
اسلام آباد،لاہور،کراچی (نمائندگان جنگ، ایجنسیاں)پاکستان سمیت دنیا بھر میں ہندو برادری نے اپنا رنگوں بھرا مذہبی تہوار ہولی بھرپور جوش و جذبے سے منا یا۔ مختلف شہروں اور قصبوں میں ہولی کی مناسبت سے تقریبات منعقد کی گئیں جہاںشرکا رقص اور رنگوں سے خوب لطف اندوز ہوتے نظر آئے، وزیراعظم عمران خان نے کہا ہے کہ ہماری ہندو برادری کو ہولی کا رنگوں بھرا تہوار مبارک ہو۔ انہوں نے کہا کہ میری دعا ہے کہ یہ تہوار ہماری ہندو برادری کیلئے فرحت و سلامتی کا وسیلہ بنے۔چیئرمین سینیٹ صادق سنجرانی ،وزیراعلیٰ پنجاب عثمان بزدار، پیپلزپارٹی کے چیئرمین بلاول بھٹو زرداری،سابق صدر آصف علی زرداری، مسلم لیگ (ن) کے صدر شہباز شریف اور دیگر نے ہندوؤں کے مذہبی تہوار ہولی پر اپنے تہنیتی پیغام میں کہا ہے کہ ہندو برادری ملک کی ترقی میں اہم کردار ادا کر رہی ہے۔ انہوں نے کہا کہ پاکستان میں تمام اقلیتوںکو برابر حقوق حاصل ہیں اور تمام اقلیتیں پاکستان کی معاشی و سماجی خوشحالی میں پیش پیش ہیں۔ پاکستان بین المذاہب ہم آہنگی پر یقینی رکھتا ہے۔
تازہ ترین