جیکب آباد (نامہ نگار) جیکب آباد کے قصبہ دڑی جاگیر میں غیرت کے نام پر خاتون سمیت دو افراد کو قتل کردیا گیا ، جیکب آباد پولیس کے مطابق ملزم ہزارو گلوانی نے غیرت کے نام پر اپنے پڑوسی نوجوان معشوق جکھرانی اور اپنی بیوی شادو کوکلاشنکوف کے برسٹ مار کر قتل کردیا ۔ دوہرے قتل کی اطلاع پر پولیس نے لاشوں کو تحویل میں لیکر پوسٹ مارٹم کے لیے سول اسپتال پہنچا یا ۔ مقتول نوجوان معشوق جکھرانی کے بھائی جان محمد نے بتایا کہ ملزم نے اپنے بھائی کے ساتھ ملکر میرے بھائی کو بے گناہ قتل کیا ہے۔