آپ آف لائن ہیں
جمعہ13؍شوال المکرم 1441ھ 5؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مسلک پر تو لڑتے ہیں آؤ ملکر اِس وبا سے لڑیں، فیصل قریشی

معروف اداکار فیصل قریشی کا کہنا ہے کہ ہم مذہب اور مسلک پر تو لڑتے رہتے ہیں آئیے ہم سب مل کر کورونا وائرس سے لڑیں۔

گزشتہ روز پاکستان شوبز انڈسٹری سے تعلق رکھنے والے معروف اداکار فیصل قریشی نے مائیکرو بلاگنگ سائٹ ٹوئٹر پر کورونا وائرس کا مقابلہ کرنے کے حوالے سے ٹوئٹ کیا کہ ’ہم ہمیشہ ذات، زبان، رنگ و نسل، ملک، شہر، علاقے، مذہب اور مسلک کو لے کر لڑتے رہتے ہیں۔‘

فیصل قریشی نے لکھا کہ ’آئیے اِس بار ہم سب مل کر کورونا وائرس جیسی عالمی وبا سے لڑجائیں۔‘

اداکار کے اِس ٹوئٹ کا جواب دیتے ہوئے ایک ٹوئٹر صارف نے لکھا کہ ’سب سے پہلے تو ہمیں اپنے آپ سے لڑنا ہوگا اور خود کو گھروں میں رہنے کے لیے قائل کرنا ہوگا، یہ ہمارا بہتری کی جانب پہلا قدم ہوگا۔‘

کلیم اللّہ خان نامی صارف نے لکھا کہ ’اِس مشکل وقت میں اللّہ ہمارے ساتھ ہے انشااللّہ ہم بہت جلد اِس مشکل سے نکل جائیں گے بس ہمیں کثرت سے استغفار کرنا ہوگا۔‘

ایک صارف نے لکھا کہ ’اِس وبا کو جڑ سے نکالنے کا عزم صرف ہم آہنگی، باہمی اشتراک اور حوصلے سے ہے۔‘


انٹرٹینمنٹ سے مزید