فرمان الہی
نماز کے اوقات
مسلم لیگ ن کے رہنما امیر مقام کا کہنا ہے کہ شہباز شریف نے خیبر پختونخوا کے طبی عملے کے لیے حفاظتی کٹس بھجوادی ہیں۔
مسلم لیگ ن خیبر پختونخوا کے صدر امیر مقام نے حفاظتی کٹس اسپتالوں کے حوالے کیں جو شہباز شریف کی ہدایت پر کے پی کے میں بھیجی گئی تھیں۔
امیر مقام کا کہنا ہے کہ حفاظتی کٹس پورے صوبے کے اسپتالوں کو روانہ کردی گئی ہیں۔
انہوں نے کہا کہ شہباز شریف کی طرف سے بھجوائی گئی حفاظتی کٹس حیات آباد میڈیکل کمپلکس، لیڈی ریڈنگ اسپتال اور ینگ ڈاکٹرز کو دی گئی ہیں۔
امیر مقام نے کہا کہ اسپتالوں کو 2000 ہزار کٹس پہلی کھیپ کے طور پر فراہم کی گئی ہیں جبکہ طبی عملے کو حفاظتی سامان کی فراہمی کا سلسلہ آئندہ چند روز تک جاری رہے گا۔
رہنما مسلم لیگ ن نے کہا کہ ضلعی اور پسماندہ علاقوں کے طبی مراکز کو بھی حفاظتی سامان پہنچا رہے ہیں۔
