فرمان الہی
نماز کے اوقات
مسلم لیگ ن پنجاب کےصدر رانا ثناءاللہ کا کہنا ہے کہ شیخ رشید کے نیب میں دو موکل عمران نیازی اور شہزاد اکبر ہیں۔
وزیر ریلوے شیخ رشید احمد کے بیان پر ردعمل کا اظہار کرتے ہوئے رانا ثناءاللہ نے کہا کہ شہبازشریف کے تعمیرکردہ یورالوجی اسپتال میں کورونا پرسیاست پر شیخ رشید کو شرم آنی چاہیے۔
رانا ثناءاللہ نے کہا کہ یورالوجی اسپتال میں کھڑے ہوکر شیخ رشید کو شکریہ شہباز شریف کہنا چاہئے تھا۔ شیخ رشید جیسے لوگ جلد عوام کی پکڑ میں آنے والے ہیں۔
یہ بھی پڑھیے: ’نیب میں میرے 2 موکل ہیں‘ شیخ رشید
انہوں نے کہا کہ شیخ رشید کا نیب کو شہبازشریف کی گرفتاری کا حکم نیب نیازی گٹھ جوڑ کی تصدیق ہے ، اور یہ تصدیق بھی ہوگئی کہ2 سال سے نیب کو سیاسی انتقام کے لیے استعمال کیاجارہا ہے۔
کورونا کے بجائے نیب نیازی گٹھ جوڑ،پوری حکومت شہبازشریف کے پیچھے ہے جبکہ مسلم لیگ ن اورشریف خاندان نے ہمیشہ قانون کی پاسداری کی ہے۔
رانا ثناءاللہ نے کہا کہ ہم نے جھوٹے الزامات کے باوجود جیلوں کا سامنا کیا ہے۔
انہوں نے مزید کہا کہ ملک نیب نیازی گٹھ جوڑاورشیخ رشید جیسےلوگوں کا مزید بوجھ اٹھانے کا متحمل نہیں ہوسکتا۔
