فرمان الہی
نماز کے اوقات
وفاقی دارالحکومت اسلام آباد میں جزوی لاک ڈاؤن جاری ہے تاہم انتظامیہ کی جانب سے تفریحی مقامات کھول دیے گئے ہیں۔
اسلام آباد کے شہری اب صبح کی سیر کھلی فضا میں کر سکتے ہیں، جبکہ ہائکنگ کے شوقین شہری بھی اب ٹریلز پر جاسکتے ہیں۔
انتظامیہ کی جانب سے تفریحی مقامات اور ہائکنگ ٹریکس کھولنے کا نوٹیفیکشن جاری کر دیا گیا ہے۔
وفاقی دارالحکومت میں بازار بھی کھلے ہوئے ہیں جہاں اشیائے ضروریہ کی خرید و فروخت کا سلسلہ بھی جاری ہے۔
دکانوں کے باہر رسیا ں لگائی گئی ہیں، تاکہ سماجی فاصلے کو یقینی بنایا جاسکے۔
اسلام آباد میں کورونا کا پھیلاؤ تو نہیں رکا تاہم معمولات زندگی کافی حد تک بحال ہو گئے ہیں، سڑکوں پر ٹریفک بھی معمول کے مطابق رواں دواں ہے۔
طبی ماہرین کہتے ہیں کہ احتیاط کا دامن تھامے رہیں، ہاتھ بار بار دھونا ہے اور ماسک بار بار پہننا ہے، سماجی فاصلے سمیت کورونا سے بچاؤ کی تمام تدابیر پر عمل جاری رکھیں۔
