• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا وائرس :کوئٹہ کے 50 صحافیوں کے نمونے تشخیص کیلئے بھجوا دیئے گئے

میرا شہر
کوئٹہ
06 مئی ، 2020
کوئٹہ( اسٹاف رپورٹر) کوئٹہ کے صحافیوں میں کورونا وائرس کی تشخیص کے 50 صحافیوں کے نمونہ تشخیص کیلئے لیبارٹری بھجوا دیئے گئے تفصیلات کے مطابق منگل کے روز ڈائریکٹر جنرل محکمہ صحت بلوچستان ڈاکٹر سلیم ابڑو کی ہدایت پر محکمہ صحت کے عملہ نے کوئٹہ پریس کلب کے احاطے میں پچاس کے قریب صحافیوں کے نمونہ لیکر کورونا ٹیسٹ کیلئے لیبارٹری بھجوائے دیئے ہیں ۔صدر کوئٹہ پریس کلب رضاءالرحمن کے مطابق گزشتہ روز کوئٹہ کے صحافیوں میں کورونا وائرس کی تشخیص ہونے کے بعد صحافیوں کے کورونا ٹیسٹ کرانے کا فیصلہ کیا گیا تھا پہلے مرحلے میں50 کے قریب فیلڈ میں کام کرنے والے رپورٹرز اور کیمرہ مینوں کے نمونہ لیکر تشخیص کیلئے لیبارٹری بھجوا گئے ہیں ۔صدر کوئٹہ پریس کلب کے مطابق اخباری صنعت اور میڈیا سے منسلک صحافیوں کے آج بھی کورونا ٹیسٹ کرکے نمونہ تشخیص کیلئے لیبارٹری بھجوائے جائیں گے ۔ انہوں نے کہا کہ کوئٹہ پریس کلب صحافیوں کو کورونا وائرس سے محفوظ رکھنے کیلئے ہر ممکن وسائل بروئے کار لارہی ہے۔ اس موقع پر انہوں نے صحافیوںکو تاکید کی کہ وہ دوران کوریج مرتب کردہ ایس او پیز پر عمل کرکے سماجی فاصلہ کا خیال رکھیں۔
تازہ ترین