فرمان الہی
نماز کے اوقات
لاہور(خصوصی نمائندہ،نیوز رپورٹر)ن لیگ نے کہا کہ حمزہ شہباز بیگناہ بند ہیں جبکہ نیب نے کہا کہ ثبوت عدالت کو دیں،مریم اورنگزیب کے مطابق چیئرمین نیب کیخلاف حمزہ کی ناحق قید پر کارروائی ہونی چاہیے،نیب اعلامیہ میں کہا گیا کہ ہائی کورٹ ضمانت مسترد کر چکی،منی لانڈرنگ کے ٹھوس ثبوت موجود ہیں، پاکستان مسلم لیگ (ن) کی مرکزی ترجمان مریم اورنگزیب نے پنجاب اسمبلی میں قائد حزب اختلاف حمزہ شہبازشریف کی رہائی کا مطالبہ کرتے ہوئے کہا ہے کہ آٹا اورچینی چوروں نے اپنے ڈاکے پر پردہ ڈالنے کیلئے حمزہ شہباز کو جیل میں رکھا ہوا ہے ۔ اپنے بیان میں انہوں نے کہا کہ حکومت کی جانب سے حمزہ شہباز کو بدترین سیاسی انتقام کا نشانہ بنایا جا رہاہے ، چیئرمین نیب کیخلاف حمزہ کی ناحق قید پر کارروائی ہونی چاہیے۔حمزہ شہبازشریف کی ناحق قید کو ایک سال ہونے کو ہے اور اب تک کوئی ریفرنس دائر نہیں ہوسکا ۔منی لانڈرنگ کے جھوٹے الزام میں حمزہ شہباز پچاس سے زائد پیشیاں بھگت چکے ہیں ،جھوٹے مقدمے میں حکومت کے پاس شواہد ہیں نہ کرپشن کا ایک روپیہ برآمد ہوا لیکن حمزہ شہبازقید ہے۔قومی احتساب بیورو نے حمزہ شہباز کیخلاف مقدمے کے حوالے سے وضاحتی بیان جاری کر دیا۔
