فرمان الہی
نماز کے اوقات
مسلم لیگ ن کی رہنما عظمیٰ بخاری نے کہا ہے کہ اگر عید کے بعد دما دم کرنے کا شوق ہے تو بڑے شوق سے آئیے، دوسری جماعتوں کے فنڈ کی بات کرتے ہیں، پی ٹی آئی کے فنڈ کا ریکارڈ کہاں ہے؟۔
ن لیگی رہنماؤں نے وزیر اعظم کے معاون خصوصی برائے احتساب شہزاد اکبر کی شہباز شریف کے خلاف کی جانے والی پریس کانفرنس کا رد عمل دے یا۔
پریس کانفرنس کے دوران عظمیٰ بخاری نے کہا کہ نیب کی کارکردگی پر پہلے سے ہی بہت سوالات اٹھ چکے ہیں، عید کے بعد گرفتاریوں کا جو ڈرامہ ہونا ہے اس کی تیاری کی جارہی ہے۔
انہوں نے کہا کہ صادق اور امین ڈکلیئر ہونے کے بعد بھی خاطر جمع رکھیں، آپ کے بھی پرانے ریکارڈ نکل سکتے ہیں۔
یہ بھی پڑھیے: شہباز کی کرپشن کے کردار بھی سامنے آچکے ہیں، شہزاد اکبر
عظمیٰ بخاری نے کہا کہ کورونا سے سیکڑوں افراد انتقال کرگئے، حکومت کو عوام کی فکر نہیں، شہزاد اکبر آئے دن اربوں روپے کی کرپشن کا الزام لگاتے ہیں، وہ عدالتوں میں آئیں۔
ملک احمد خان کا کہنا ہے کہ وزراء انویسٹی گیشن ایجنسیز کو ہدایت دے رہے ہیں، جو خلاف قانون ہے، جبکہ نواز شریف کا جرم یہ ہے کہ ملک سے اندھیرے ختم کیے۔
انہوں نے کہا کہ شہزاد صاحب آپ کے سوالات کے جوابات ضرور دیں گے، مگر آپ دوسروں پر باتیں کرنے سے پہلے اپنے گریبان میں جھانک لیا کریں۔
عطا اللّٰہ تارڑ نے کہا کہ شہباز شریف کا کیٹل فارم ڈکلیئرڈ ہے، کروڑوں روپے سالانہ ٹیکس دیتے ہیں، الزامات لگانے کا مقصد کورونا پر حکومت کی کارکردگی پر پردہ ڈالنا ہے۔
انہوں نے معاون خصوصی برائے احتساب کو مخاطب کرتے ہوئے کہا کہ آئیں میڈیا کے سامنے سوال و جواب کریں، شہزاد اکبر اربوں کا الزام لگاتے لگاتے لاکھوں پر آگئے ہیں۔
عطا تارڑ نے کہا کہ پراسیکیوشن کا کوئی قصور نہیں ہے بلکہ آپ کے پاس ثبوت نہیں ہیں۔
انہوں نے کہا کہ آپ اپنے چینی اور آٹا چوروں کی فکر کریں، سالڈ ویسٹ مینجمنٹ کے تمام لوگوں کی ضمانت ہوچکی ہے۔
عطاتارڑ نے کہا کہ شہباز شریف نے قوم کا اربوں روپیہ بچایا ہے۔
