فرمان الہی
نماز کے اوقات
کراچی ، لاہور، راولپنڈی (اسٹاف رپورٹر، نمائندگان جنگ) جنگ اور جیو گروپ کے ایڈیٹر انچیف میر شکیل الرحمان کی دو ماہ سے زائد گرفتاری کیخلاف ملک بھر کے صحافی سراپا احتجاج ہیں، ہفتے کے روز کراچی ، لاہور اور راولپنڈی سمیت چھوٹے بڑے شہروں میں احتجاجی کیمپس ، مظاہرے ، سیاسی، سماجی اور ماہرین قانون کی شرکت ، اس موقع پرمقررین نے کہا کہ 65روز گزرنے کے باوجود میرشکیل کیخلاف کوئی ثبوت پیش نہیں کیا جاسکا،دہائیوں پرانے کیس کو جواز بنا کر ملک کے سب سے بڑے صحافتی ادارے کو باقاعدہ منصوبہ بندی کے تحت نقصان پہنچانے کی سازش کی جا رہی ہے،مقررین نے کہا کہ میر شکیل الرحمان کی گرفتاری بلاجوازہے ، ایڈیٹر انچیف جنگ وجیو گروپ کو رہا کیا جائے ، تفصیلات کے مطابقکراچی میں صحافی تنظیموں، جنگ جیو ایکشن کمیٹی کے زیراہتمام میرشکیل الرحمن رہائی احتجاجی کیمپ سے خطاب کرتے ہوئےپاکستان سپریم کورٹ بار ایسو سی ایشن کے سابق صدر یاسین آزاد نے کہا ہے کہ اس وقت ملک میں بدترین جمہوری مارشل لاء ہے، کسی کو حق اور سچ کہنے اور اپنے مسائل بیان کرنے کا کوئی حق نہیں، جنگ جیو کے ایڈیٹر انچیف میرشکیل الرحمان کی گرفتاری اس حکومت کی فسطائیت کا منہ بولتا ثبوت ہے،ااس موقع پر پیپلز لیبر بیورو کے مرکزی رہنما امین بلوچ، ایپنک کے سیکرٹری جنرل شکیل یامین کانگا، دی نیوز یونین کے صدر سعید محی الدین پاشا، جنرل سیکرٹری دارا ظفر اور جاوید پریس یونین کے جنرل سیکرٹری رانا محمد یوسف نے بھی خطاب کیا۔ یاسین آزاد نے کہا کہ 65 روز گزرنے کے باجود میرشکیل الرحمان کے کیس میں کوئی ریفرنس اور نہ کوئی ثبوت پیش کیا جاسکا جو اس بات کی نشاندہی کرتا ہے کہ انہیں حکومت نے انہیں اپنی منشاء اور خواہش کے مطابق گرفتار کرایا۔ ملک میں آزاد میڈیا کا کوئی وجود نہیں، میرشکیل الرحمان کو حق اور سچ بیان کرنے سے روکنا اور اپنا بیانیہ جنگ اور جیو پر چلوانا حکومت کی ترجیح ہے، وہ چاہتے ہیں کہ پورا میڈیا ان کے گیت گاتا رہے اور سچ اور حق پر مبنی خبریں عوام کے سامنے نہ آئیں جسے میرشکیل نے قبول نہیں کیا اور آج ناکردہ گناہ کی پاداش میں جیل میں ہیں۔ وکلاء برادری جنگ جیو کی تحریک میں ہراول دستے کا کردار ادا کرے گی۔ امین بلوچ نے کہا کہ جنگ اور جیو حق و سچ کا علمبردار ہے، ان شاء اللہ جیت حق و سچ کی ہوگی۔ میرخلیل الرحمان کا جنگ کا لگایا ہوا پودا آج تناور درخت بن گیا ہے اور اس سے کئی شاخیں پھونٹ چکی ہیں جس میں جیو صف اول میں شامل ہے۔ میرشکیل الرحمان کو حکومت کے سامنے نہ جھکنے پر سلام پیش کرتے ہیں۔ پیپلز لیبر بیورو اور اس کے تمام کارکن آپ کے ساتھ ہیں۔سعید پاشا نے کہا کہ وزیراعظم عمران نیازی کا اقتدار میں آنے سے پہلے کہنا تھا کہ جب کسی بھی ملک میں ایماندار سربراہ آجاتا ہے تو وہ اس ملک سے کرپشن کا خاتمہ ہوجاتا جبکہ عالمی ایجنسیوں کی خبر ہے کہ پاکستان میں اس وقت پچھلی حکومت کے مقابلہ میں کرپشن کئی گنا بڑھ چکی ہے۔ تو یہ نیازی صاحب آپ کے قول و فعل میں تضاد ہے۔ پہلے اپنی صفوں میں سے آٹا چینی چوروں کو نکالو اور انہیں نشانہ عبرت بنائو تاکہ اس ملک کی عوام تمہاری بات پر یقین کریں۔ رانا یوسف نے کہا کہ میر شکیل کا گناہ عظیم صرف یہ ہے کہ وہ حق اور سچ کا پیامبر ہے۔ عمران نیازی نے حکومت میں آنے سے پہلے جتنے وعدے اور دعوے کئے تھے وہ سب الٹ ہوچکے ہیں۔ ملک کرپشن اور مہنگائی کی دلدل میں پھنس چکا ہے۔ وزارت اطلاعات و نشریات میڈیا کے واجبات عید سے قبل ادا کرے تاکہ گزشتہ کئی ماہ سے تنخواہوں کی آس لگائے کارکنوں کو تنخواہیں مل سکیں۔
kk
