شوبز ستاروں نے عید کیسے منائی؟

عالمگیر وبا کورونا اور عید سے محض 2 روز قبل کراچی میں مسافر طیارے کے حادثے نے عید کی خوشیوں کو ماند کردیا ہے۔

پاکستانی شوبز انڈسٹری سے وابستہ شخصیات نے بھی ایس او پیز پر عملدرآمد کرتے ہوئے گھروں پر رہنے کو ترجیح دی اور عید فیملی کے ساتھ ہی گزاری۔

معروف فنکاروں نے اپنی سیلفی یا فیملی کے ساتھ تصویر شیئر کی جبکہ زیادہ تر نے تصویر شیئر کرنے سے بھی گریز کیا۔

ٹوٹے ہوئے دل کیساتھ عید مبارک، عدنان صدیقی

پاکستان شوبز انڈسٹری کے معروف اداکار عدنان صدیقی نے گزشتہ روز چاند رات کے موقع پر تصویر اور ویڈیو شیئرنگ ایپ انسٹاگرام پر اپنا ویڈیو پیغام جاری کرتے ہوئے کہا کہ ’یہ عید ماضی کی عیدوں سے کافی مختلف ہوگی۔‘

بھارتی اداکاراؤں کیجانب سے عید مبارک

دُنیا کے دیگر ممالک کی طرح پاکستان میں بھی عید الفطر گزشتہ روز منائی گئی تھی جبکہ بھارت میں شوال کا چاند 23 مئی کو نظر نہ آنے کی وجہ سے اِس بار عید آج یعنی 25 مئی کو منائی جارہی ہے ایسے میں بھارتی اداکاراؤں نے سوشل میڈیا پر اپنے مسلمان مداحوں اور دوستوں کے لیے عید مبارک کے پیغامات جاری کیے ہیں۔

شوبز شخصیات نے  عوام کو عید الفطر کی مبارکباد دیتے ہوئے پیغام دیا کہ طیارہ حادثے میں جاں بحق افراد کی مغفرت اور لواحقین کے صبر کے لیے دعا کریں اور کرونا وائرس کا پھیلاؤ روکنے کے لیے سماجی فاصلہ برقرار رکھیں۔

اداکار فہد مصطفی نے اپنے انسٹاگرام اکاؤنٹ پر سفید کُرتا زیب تن کئے اپنی ایک سیلفی مداحوں کے ساتھ شیئر کرتے ہوئے عید کی مبارکباد دی۔

اداکار منیب بٹ نے اہلیہ ایمن منیب اور بیٹی امل منیب کے ہمراہ ایک خوبصورت تصویر شیئر کی۔

انہوں نے بیٹی کے ہمراہ پہلی عید منانے پر خوشی کا اظہار بھی کیا۔

معروف اداکار فیصل قریشی اور  اُن کی اہلیہ ثنا فیصل نے  بیٹی آیت اور بیٹے فرمان کے ہمراہ عید کی ایک دلکش تصویر شیئر کی۔

جوڑی کا کہنا تھا کہ ہم نے اس بار عید کی شاپنگ نہ کرنے کا فیصلہ کیا تھا لیکن ایک قریبی دوست نے انہیں یہ کپڑے بطور تحفہ پیش کئے۔

نوجوان گلوکار عاصم اظہر اور اُن کے والد نے عید کے موقع پر ایک جیسے کپڑوں کا انتخاب کیا۔

ایاز سمو، فیضان شیخ، فیروز خان نے بھی عیدالفطر پر لی گئیں تصویریں اور سیلفیز شیئر کیں۔

شوبز انڈسٹری کی مقبول ترین جوڑی فاطمہ آفندی اور کنور ارسلان کی تصویروں کو سوشل میڈیا پر بے حد پسند کیا جارہا ہے۔

17 نومبر 2012 کو شادی کے بندھن میں بندھنے والے کنور اور فاطمہ کے 2 بیٹے ہیں۔

اداکار دانش تیمور اور عائزہ خان نے بھی عید اہل خانہ کے ساتھ منائی۔عائزہ خان نے اپنے بچوں کی تصویر شیئر کرتے ہوئے لکھا کہ زندگی بلکل تبدیل ہوگئی ہے، انہوں نے کبھی تصور بھی نہیں کیا تھا کہ وہ ایسی عید منائیں گی۔

انہوں نے دنیا سے چلے جانے والوں کی مغفرت کی دعا بھی کی۔