آپ آف لائن ہیں
ہفتہ12؍ذیقعد 1441ھ4؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت میں پھنسے پاکستانی وطن پہنچ گئے


کورونا وائرس کے باعث لاک ڈاؤن کی وجہ سے سرحد بند ہونے کے باعث بھارت میں پھنس جانے والے 175 پاکستانی بھارتی سرحدی علاقے اٹاری پہنچ گئے۔

پاکستان رینجرز کے ذرائع کا کہنا ہے کہ امیگریشن کے بعد یہ پاکستانی واہگہ بارڈرکے راستے پاکستان آئیں گے۔

رینجرز ذرائع کے مطابق بھارت سے آنے والے پاکستانیوں کو قرنطینہ میں رکھا جائے گا، کورونا وائرس کے ٹیسٹ کلیئر ہونے پر انہیں گھر جانے کی اجازت ہوگی۔

ذرائع نے بتایا ہے کہ اب تک تقریباً 16 افراد واہگہ بارڈر کراس کر کے پاکستانی علاقے میں داخل ہو چکے ہیں، تھوڑی دیر میں ان کی امیگریشن کا آغاز ہوگا۔

پھنسے ہوئے پاکستانیوں کی بھارت سے آمد کے لیے واہگہ اٹاری بارڈر آج ایک بار پھر خصوصی طور پر کھولا گیا ہے۔

واضح رہے کہ گزشتہ روز کورونا وائرس کے باعث لاک ڈاؤن کی وجہ سے سرحد بند ہونے سے بھارت میں پھنسے پاکستانی شہریوں کو وطن واپس آنے کی اجازت مل گئی تھی۔

یہ بھی پڑھیئے: بھارت میں پھنسے پاکستانیوں کو واپسی کی اجازت مل گئی

بھارت میں پھنسے پاکستانیوں کو گزشتہ شام تک بھارتی شہر امرتسر پہنچنا تھا جہاں سے وہ پاکستان کے لیے روانہ ہوئے۔

یہ پاکستانی شہری بھارتی ریاستوں مہاراشٹر، چھتیس گڑھ، ہریانہ، اتر پردیش اور پنجاب کے مختلف شہروں میں پھنسے ہوئے تھے۔

بھارتی دارالحکومت نئی دہلی میں پاکستانی ہائی کمیشن نے پاکستانیوں کی واپسی کے انتظامات کیے ہیں۔

قومی خبریں سے مزید