ماہرہ خان کا امجد صابری کو خراج عقیدت

پاکستان شوبز انڈسٹری کی معروف اداکارہ ماہرہ خان نے معروف قوال شہید امجد صابری کو خراج عقیدت پیش کیا ہے ۔

سماجی رابطے کی ویب سائٹ انسٹاگرام پر شہید امجد صابری کے بچپن کی ایک ویڈیو شیئر کرتے ہوئے لکھا کہ امجد صابری ہمارے بیچ سے بہت جلد چلے گئے ۔

انہوں نے لکھا کہ یہ ویڈیو بیک وقت خوشی اور غمی دونوں کے احساسات پیدا کردیتی ہے۔

ماہرہ نے لکھا کہ ویڈیو میں نوعمر امجد صابری علامہ اقبال کی نظم ’لب پہ آتی ہے دعا‘ پڑھ رہے ہیں، جو مکمل دعا ہے۔

ماہرہ کی پوسٹ پر ساتھی اداکار شہریار منور کا کہنا تھا کہ انہیں آج بھی یاد ہے کہ پرائمری اسکول کی اسمبلی میں وہ یہ دعا پڑھا کرتے تھے۔

انہوں نے کہا کہ اس وقت تو وہ اس دعا کے معنوں سے ناآشنا تھے لیکن اب انہیں معنوں کی سمجھ آچکی ہے ، بلاشبہ یہ ایک خوبصورت دعا ہے۔