ارطغرل نے ایک بار پھر پاکستانیوں کے دل جیت لیے

شہرہ آفاق تُرک سیریز ’دیرلیش ارطغرل‘ میں ارطغرل کا مرکزی کردار ادا کرنے والے انجن التان نے پاکستان سے اپنی محبت کا اظہار کرتے ہوئے ملی نغمہ ’دل دل پاکستان‘ گنگنا دیا۔

گزشتہ روز سے انجن التان کی ایک ویڈیو سوشل میڈیا پر زیر گردش ہے جس میں وہ پاکستان کا ملی نغمہ ’دل دل پاکستان، جان جان پاکستان‘ گنگناتے نظر آرہے ہیں اور اُس کے ساتھ ہی انجن التان دل پر ہاتھ رکھے نہایت ہی احترام سے اپنے پاکستانی مداحوں کو اُردو زبان میں کہے رہے ہیں کہ ’میرا آپ کو سلام پاکستان۔‘

ٹُرک اداکار نے بھی ’دل دل پاکستان‘ گنگنا دیا

شہرہ آفاق تُرک سیریز ’دیرلیش ارطغرل‘ میں بہادر سپاہی عبد الرحمٰن کا کردار ادا کرنے والے جلال نے پاک تُرک بھائی چارے کے فروغ کے پیش نظر معروف پاکستانی ملی نغمہ ’دل دل پاکستان ‘گنگنا دیا۔

دوسری جانب جنون بینڈ کے بانی اور معروف گلوکار سلمان احمد نے بھی مائیکرو بلاگنگ سائٹ ٹوئٹر پر انجن التان کی یہ ویڈیو شیئر کی۔

ٹوئٹر پر ویڈیو شیئر کرتے ہوئے سلمان احمد نے لکھا کہ ’کبھی سوچا بھی نہیں کہ ایک دن ’ارطغرل‘ پاکستان کا ملی نغمہ گنگنائے گا۔

ارطغرل کی طرف سے ’اردو‘ میں عید کی مبارکباد

پاکستان کے سرکاری ٹی وی چینل(پی ٹی وی) پر نشر کی جانے والی شہرہ آفاق تُرک سیریز ’ارطغرل غازی‘ کے مرکزی کردار ’ارطغرل‘ نے اپنے پاکستانی مداحوں کو عید کی مبارکباد پیش کرتے ہوئے اپنا ویڈیو پیغام جاری کیا۔

یاد رہے کہ اِس سے قبل ’دیرلیش ارطغرل‘ میں بہادر سپاہی عبد الرحمٰن کا کردار ادا کرنے والے جلال نے عیدالفطر کے موقع پر پاکستانیوں کو عید کی مبارکباد دیتے ہوئے اور پاک تُرک بھائی چارے کے فروغ کے لیے معروف پاکستانی ملی نغمہ ’دل دل پاکستان‘ گنگنایا تھا۔

حلیمہ سلطان کے بعد ارطغرل بھی پاکستان آنے کے خواہشمند

اسلامی تاریخ کی فتوحات پر مبنی شہرہ آفاق تُرک سیریز ’دیرلیش ارطغرل‘ میں بہادر جنگجو اور سلیمان شاہ کے بیٹے ’ارطغرل‘ کا مرکزی کردار ادا کرنے والے انجین التان دوزیتان نے بھی جلد پاکستان آنے کی خواہش ظاہر کردی۔

واضح رہے کہ ترک سیریز میں ’ارطغرل‘ قائی قبیلے کے سردار سلیمان شاہ کا بیٹا اور ایک بہادر جنگجو ہے جس کا یقین صرف اللّہ پر ہوتا ہے اور جو اسلام کا جھنڈا پوری دُنیا میں لہرانے کی خاطر لڑتا ہے۔