فرمان الہی
نماز کے اوقات
کورونا وبا سے محفوظ عیدالاضحیٰ کیلئے ضوابط کی تیاری پر علماء و مشائخ کیساتھ مشاورتی اجلاس میں معاون خصوصی صحت ڈاکٹر ظفر مرزا نے کہا ہے کہ مؤثر احتیاطی تدابیر اختیار نہ کی گئیں تو جولائی کے آخری دو ہفتے مہلک ثابت ہو سکتے ہیں۔
عیدالاضحی پر کورونا سے بچاؤ کے لیے ضوابط کی تیاری کے لئے وفاقی وزیر مذہبی امور کی زیر صدارت اجلاس ہوا، اجلاس میں وزیر داخلہ، مشیر صحت، پارلیمانی سیکرٹری اور صوبائی حکومتی ارکان نے شرکت کی۔ جس میں کورونا سے محفوظ عیدالاضحیٰ کیلئے ضوابط کی تیاری کیلئے علماء و مشائخ کیساتھ مشاورت کی گئی۔
اس موقع پر معاون خصوصی صحت ڈاکٹر ظفر مرزا نے کہا کہ پاکستان کورونا کی بڑھتی ہوئی شرح کے حوالے سے پہلے تین ممالک میں شامل ہو چکا ہے۔
وزیر مذہبی امور نور الحق قادری کا کہنا تھا کہ صوبوں، گلگت بلتستان اور آزاد کشمیر سے آنے والی تجاویز کی روشنی میں مشاورت کے ساتھ قومی لائحہ عمل طے کیا جائے گا۔
اجلاس میں مویشی منڈیوں اور عید الاضحیٰ کے اجتماعات کو محفوظ بنانے کے حوالے سے لائحہ عمل پر مشاورت کی گئی۔ وفاقی وزیر داخلہ، علما اور مشائخ نے بھی تجاویز دیں۔ علما نے کہا کہ دینی حلقے وبا کی روک تھام کیلئے حکومتی کوششوں کے ساتھ کھڑے ہونگے۔
