کرن، کرینہ اور عالیہ شدید تنقید کی زد میں

بھارتی اداکار سوشانت سنگھ کی خودکشی پر ہزاروں رنجیدہ اور دلبرداشتہ مداح احتجاجاً اقربا پروری کے خلاف کئی بھارتی اداکاروں کو آڑے ہاتھوں لیتے ہوئے اُنہیں شدید تنقید کا نشانہ بنا رہے ہیں۔

سوشانت کو خودکشی پر مجبور کیا گیا، کنگنا رناوت

سماجی رابطے کی ویب سائٹ ٹوئٹر پر ویڈیو پیغام میں کنگنا رناوت کا کہنا ہے کہ شوشانت راجپوت کی موت نے ہم سب کو جھنجوڑ کر رکھ دیا ہے

بھارتی فلم انڈسٹری میں اس وقت ایک طوفان برپا ہے جو قابو میں آنے کا نام نہیں لے رہا بلکہ اب بڑے بڑے ادکاروں اور ہدایتکاروں کو اپنا مستقبل تاریک نظر آنے لگا ہے، سوشانت سنگھ کے مداحوں نے اقربا پروری کے ذریعے نام بنانے والے اداکاروں کا جینا حرام کر کھا ہے۔

’سوشانت اپنی سابقہ گرل فرینڈ کو نہیں بھول پارہے تھے‘

بالی ووڈ کے نوجوان اداکار سوشانت سنگھ راجپوت کی ڈاکٹر نے اہم انکشاف کرتے ہوئے بتایا کہ سوشانت اپنی سابقہ گرل فرینڈ انکتا لوکھنڈےکو نہیں بھول پارہے تھے۔

مداحوں کی جانب سے شدید تنقید کا نشانہ بننے والے فنکار وں میں بھارتی ہدایتکار کرن جوہر، سلمان خان، بھارتی ہدایتکار مہیش بھٹ کی بیٹی عالیہ بھٹ، انیل کپور کی بیٹی سونم کپور، کپور فیملی سے تعلق رکھنے و الی کرینہ کپور، سوناکشی سنہا و دیگر اداکاروں کے نام نام شامل ہیں ۔

سوناکشی سنہا نے ٹوئٹر سے کنارہ کشی اختیار کرلی

مشہور بھارتی فلم ’دبنگ‘ میں سلمان خان کے ساتھ مرکزی کردار ادا کرنے والی بالی ووڈ اداکارہ سوناکشی سنہا نے ذہنی سکون کی خاطر ٹوئٹر سے کنارہ کشی اختیار کرلی ہے۔

بھارتی میڈیا کے مطابق اب اس تنقید سے تنگ آ کر کئی اداکاروں نے اپنے سوشل میڈیا اکاؤنٹس ڈی ایکٹیویٹ کر دیئے ہیں جبکہ عالیہ بھٹ ، کرن جوہر اور کرینہ کپور نے اپنے انسٹا اکاؤنٹس پر تنقیدی تبصروں سے بچنے کے لیے کمنٹ باکس ہی بند کر دیئے ہیں ۔

کرن جوہر نے اپنا نمبر کیوں تبدیل کرلیا؟

سوشانت سنگھ راجپوت کی موت کے بعد ہر کوئی ان کے ڈپریشن کی وجہ فلمیں نہ ملنا بتا رہا ہے، جس میں خاص طور پر کرن جوہر کا نام سامنے آرہا ہے، اسی وجہ سے انہوں نے اپنا نمبر بھی تبدیل کرلیا۔

مداحوں کی رائے ہے کہ یہ سب اداکار و فنکار ’ نیپوٹزم ‘ اقربا پروری کو فروغ دینے اور اس کے ذریعے نام کمانے میں کامیاب ہوئے ہیں اور ان کی وجہ سے ہی سوشانت سنگھ نے بڑے بجٹ کی فلموں میں کام نہ ملنے کے نتیجے میں خود کشی کی ہے ۔