آن لائن انویسٹمنٹ کا جھانسہ دینے والے 3 نائیجیرین گرفتار

وفاقی دارالحکومت اسلام آباد میں وفاقی تحقیقاتی ادارے (ایف آئی اے) نے آن لائن انویسٹمنٹ کا جھانسہ دینے والے 3 نائیجیرین باشندوں کو گرفتار کر لیا۔

ایف آئی اے کے سائبر کرائم ونگ کے مطابق ملزمان کو اسلام آباد کے علاقے ایف 10 سے گرفتار کیا گیا۔

دالبندین: ایران سے غیر قانونی آنیوالا نائیجیرین زیرِ حراست

ایران سے غیرقانونی طور پر بلوچستان کے ضلع چاغی کے شہر دالبندین آنے والے غیر ملکی باشندے کو حراست میں لے لیا گیا ہے۔

ایف آئی اے کے سائبر کرائم ونگ کا کہنا ہے کہ سیالکوٹ کے رہائشی فیصل کا سوشل میڈیا پر ملزمان سے رابطہ ہوا تھا، جسے ملزمان نے آن لائن انویسٹمنٹ کے ذریعے منافع کمانے کا جھانسہ دیا۔

ایف آئی ے سائبر کرائم ونگ کا مزید کہنا ہے کہ ملزمان نے فیصل سے 15 لاکھ روپے لے کر رابطہ ختم کر دیا تھا۔

یہ بھی پڑھیئے: ایف آئی اے سائبر کرائم ونگ کا ایکشن، ملزم گرفتار

متاثرہ شہری نے ملزمان کے خلاف ایف آئی اے کے سائبر کرائم ونگ میں شکایت درج کرائی تھی۔

پاکستانی بینک اکاؤنٹ میں رقم منگوانے سے ملزمان پھنس گئے اور انہیں گرفتار کیا گیا۔