چین: ننھے میاں بھی باسکٹ بال کے شوقین نکلے!

یوں تو آپ نے باسکٹ بال کے ماہر کھلاڑیوں کو بال باسکٹ کرتے دیکھا ہی ہوگا لیکن جناب یہاں تو بچے بھی باسکٹ بال کے شوقین نکلے۔

یقین نہیں تو ویڈیو میں نظر آنے والے اس ننھے میاں کو ہی دیکھ لیں جو نہ صرف باسکٹ بال کھیلنے کا شاندار مظاہرہ کر رہا ہے بلکہ ننھے میاں نے کسی ماہر باسکٹ بال پلیئر کی طرح کئی فٹ کے فاصلے پر کھڑے ہوکر بال پھینکی جو سیدھی باسکٹ میں جاگری۔

چین کے صوبے سیچوآن سے تعلق رکھنے والا ڈھائی سالہ لائمو باسکٹ بال کھیلنے کا شوقین ہے اور اپنے اس کھیل کو بہت انجوائے کرتا ہے۔ 

ننھے میاں کے والد بھی اپنے بیٹے کو بھرپور مشق کرواتے ہیں جبکہ لِٹل باسکٹ بال پلئیر کی یہ ویڈیو شوسل میڈیا پر مقبول ہوچکی ہے جسے اب تک لاکھوں افراد دیکھ چکے ہیں۔