کراچی (اسٹاف رپورٹر) سید علی مجتبی شاہ بخاری، عماد فرید، وقاص محبوب اور محمد نعیم نے عمدہ کارکردگی کا مظاہرہ کرتے ہوئے پارکو روشن خان اوپن اسکواش چیمپئن شپ کے مین رائونڈ میں کھیلنے کا اعزاز حاصل کرلیا۔ چیمپئن شپ کے مین رائونڈ کا آغاز پیر سے ہوگا جس میں نمبر ون سیڈ فرحان زمان کا مقابلہ کاشف آصف سے، نمبر دو سیڈ طیب اسلم کا مقابلہ کوالیفائر وقاص محبوب سے، نمبر تین سیڈ شاہ جہان خان کا مقابلہ کوالیفائر سید علی مجتبی سے، نمبر چار سیڈ خواجہ عادل مقبول کا وائلڈ کارڈ پر انٹری حاصل کرنے والے مہاد جاوید سے ہوگا۔ پی این روشن خان جہانگیر خان اسکواش کمپلکس میں کھیلی جانے والی چیمپئن شپ کے مین کوالفیائنگ رائونڈ میں اتوار کو نمبر پانچ سیڈ سید علی مجتبی شاہ بخاری نے حیران کن کارکردگی کا مظاہرہ کرتے ہوئے نمبر ایک سیڈ فراز محمد کو شکست دیکر ایونٹ سے آئوٹ کردیا۔ علی مجتبی نے 23 منٹ کے کھیل میں 11-8، 11-3 اور 11-6 سے فتح اپنے نام کی۔ دیگر مقابلوں میں عماد فرید نے نعمان خان کو، وقاص محبوب نے مہران جاوید کو، محمد نعیم نے صدام الحق کو شکست دیکر مین رائونڈ میں جگہ بنائی۔
فرمان الہی
نماز کے اوقات
