کے پی میں 24 گھنٹوں کے دوران کورونا سے 8 افراد انتقال کرگئے

صوبائی محکمہ صحت کا کہنا ہے کہ خیبرپختونخوا میں 24 گھنٹوں کے دوران کورونا سے8 افراد جاں بحق ہوگئے، جس کے بعد صوبے میں کورونا سے جاں بحق افرادکی تعداد 1 ہزار 28 ہو گئی ہے ۔

محکمہ صحت کا کہنا ہے کہ 24 گھنٹوں کے دوران کورونا کے273 نئے کیسز رپورٹ ہوئےہیں، جس کے بعد خیبر پختونخوا میں کورونا کیسز کی مجموعی تعداد   28ہزار 116ہوگئی ہے ۔

رپورٹ کے مطابق خیبر پختونخوا میں 24گھنٹوں میں کورونا کے 186مریض صحت یاب ہوئے ہیں ۔

محکمہ صحت کا کہنا ہے کہ خیبرپختونخوا میں کوروناسےصحت یاب افراد کی تعداد 16 ہزار 428 ہوگئی ہے۔

رپورٹ کے مطابق پشاور میں کورونا سے متاثرہ مریضوں کی تعداد 9 ہزار 884 ہوگئی ہے ۔

محکمہ صحت کا کہنا ہے کہ پشاور میں 24گھنٹوں کےدوران 5 افراد کورونا سے جاں بحق ہوئے، جبکہ پشاور میں 24 گھنٹوں کے دوران 145 افراد میں کورونا کی تصدیق ہوئی ہے ۔