فرمان الہی
نماز کے اوقات
مسلم لیگ نون کے صدر اور قومی اسمبلی میں قائدحزب اختلاف شہباز شریف نے کارگل کے ہیرو حوالدار لالک جان شہید نشان حیدر کو خراج عقیدت پیش کرتے ہوئے کہا کہ حوالدار لالک جان وہ شجاع ہے جس کی دلیری پر پوری قوم کو ناز ہے۔
شہباز شریف نے کہا کہ مسلح افواج کےافسروں، جونئیر کمیشنڈ افسران، جوانوں نے بہادری پر دشمن سے بھی داد پائی۔
شہباز شریف نے کہا کہ گلگت بلتستان کے اس شیر نے دشمن کو منہ توڑ جواب دیا، نشان حیدر حوالدار لالک جان کی بہادری کااعتراف ہے۔
انہوں نے کہا کہ وطن عزیز کے ہر شہید اور غازی کو سلام پیش کرتے ہیں، اللہ تعالی تمام شہدا کو جنت الفردوس میں اعلی ترین مقام عطا فرمائے۔
واضح رہے کہ کارگل کے ہیروز کرنل شیر خان شہید اور حوالدار لالک جان کا یوم شہادت آج منایا جارہا ہے۔ پاک فوج نے کارگل جنگ میں نشان حیدر پانے والے مادر وطن کے دو عظیم سپوتوں کو خراج عقیدت پیش کیا۔
