آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی: آج گرمی کم، بوندا باندی کا امکان


محکمۂ موسمیات کا کہنا ہے کہ کراچی میں کل کے مقابلے میں آج گرمی کی شدت کم رہے گی جبکہ شہر میں بوندا باندی کا بھی امکان ہے۔

محکمۂ موسمیات کے ڈائریکٹر سردار سرفراز کے مطابق کراچی کے جنوبی سمندر میں موجود ہوا کا کم دباؤ ختم ہو گیا، جس کی وجہ سے کل کے مقابلے میں آج گرمی کی شدت کم رہے گی۔

انہوں نے بتایا کہ آئندہ ہفتے تک مطلع ابر آلود جبکہ دن اور رات میں بوندا باندی کا سلسلہ جاری رہے گا، 20 جولائی سے پہلے مون سون بارش کا کوئی نیا سسٹم بنتا نظر نہیں آ رہا۔

محکمۂ موسمیات کے مطابق کراچی میں آئندہ 24 گھنٹوں کے دوران موسم گرم اور مرطوب رہنے کا امکان ہے جبکہ صبح اور رات میں بوندا باندی بھی متوقع ہے۔

یہ بھی پڑھیئے: کراچی میں اگلے ہفتے بارش کا امکان

محکمۂ موسمیات کا کہنا ہے کہ شہرِ قائد میں آج کم سے کم درجۂ حرارت 31 سینٹی گریڈ ریکارڈ کیا گیا جبکہ زیادہ سے زیادہ درجۂ حرارت 34 سے 36 ڈگری سینٹی گریڈ کے درمیان رہنے کا امکان ہے۔

کراچی میں شمال مغربی علاقوں سے 18کلو میٹر فی گھنٹہ کی رفتار سے ہوائیںچل رہی ہیں، جن میں نمی کا تناسب 60 فیصد ہے۔

قومی خبریں سے مزید