اومان کی سلام ایئر کیلئے 18 پاکستانی پائلٹس کلیئر قرار

سول ایوی ایشن پاکستان نے پائلٹس کے لائسنس کی تصدیق اور وضاحت کے لیے کارروائی کرتے ہوئے اومان کی سلام ایئر میں کام کرنے والے 18 پاکستانی پائلٹس کو کلیئر قرار دے دیا ہے۔

اومان کی سول ایوی ایشن نے سلام ایئر کے پاکستانی پائلٹس کے لائسنس کی تصدیق کے لیے سول ایوی ایشن پاکستان سے درخواست کی تھی۔

CAA بحرین کا پاکستانی پائلٹس کی تصدیق کیلئے خط

بحرین کی سول ایوی ایش نے پاکستانی پائلٹس اور ایئر کرافٹ انجینئرز کے لائسنس کی تصدیق اور تحقیقات کے لیے سول ایوی ایشن پاکستان کو خط لکھ دیا۔

سول ایوی ایشن پاکستان کے مطابق پائلٹ کیپٹن فواد شہاب، شیخ سیف اللّٰہ، محمد بلال ملک، محمد جاوید اور محمد راشد کو کلیئر قرار دیا گیا ہے۔

سول ایوی ایشن پاکستان کی جانب سے کیپٹن محمد اطہر اقبال، محمد آصف، فرحان خان، بابر سلطان، فرخ بھٹی اور سجادملک کے لائسنس کی بھی تصدیق کی گئی ہے۔

یہ بھی پڑھیئے:۔

مشتبہ پائلٹس کی حکومتی فہرست سپریم کورٹ میں چیلنج کرنیکا فیصلہ

سی اے اے پاکستان نے کیپٹن ضیاء الحق، نتاشہ سلطان، عباس رضوی اور عمر جعفر سمیت دیگر 3 کپتانوں کے لائسنس بھی کلیئر قرار دیے ہیں۔