• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خوشاب: موٹر سائیکل سواروں کی فائرنگ، قصاب جاں بحق

پنجاب کے ضلع خوشاب کے علاقے قائد آباد میں موٹر سائیکل سوار مسلح افراد نے گوشت خریدنے کے لیے جانے والے مخالف شخص پر فائرنگ کر دی۔

فائرنگ سے قصاب جاں بحق ہو گیا جبکہ حملہ آوروں کا مخالف شخص بچ گیا، فائرنگ کے بعد حملہ آور فرار ہو گئے۔

پولیس ذرائع کے مطابق قائد آباد خوشاب کے گاؤں چسو میں موٹر سائیکل سوار مسلح افراد نے اپنے مخالف پر اس وقت فائرنگ کی جب وہ گوشت خریدنے کے لیے قصاب کی دکان پر موجود تھا۔

ملزمان کی فائرنگ سے قصاب محمد امیر جاں بحق ہوگیا جبکہ عمران نامی جس شخص کو نشانہ بنا کر فائرنگ کی گئی تھی وہ محفوظ رہا۔

یہ بھی پڑھیئے: خوشاب میں ساتھیوں کی فائرنگ سے 3 گرفتار ملزمان ہلاک

حملہ آور موٹرسائیکل پر فرار ہو گئے، اطلاع ملنے پر پولیس موقع پر پہنچ گئی جس نے ضروری کاروائی شروع کر دی ، مقتول کی لاش کو پوسٹ مارٹم کے لیے اسپتال منتقل کر دیا گیا ہے۔

قومی خبریں سے مزید