کراچی: اجتماعی قربانی کیلئے مختص بیشتر میدانوں کا برا حال

کراچی میں اجتماعی قربانی کے لیے مختص کیے گئے بیشتر میدانوں کا براحال ہے، کہیں بارش کا پانی جمع ہے تو کہیں کیچڑ ہی کیچڑ نظر آرہی ہے۔

دوسری طرف اجتماعی قربانی کے لیے دیے گئے میدانوں میں مکھیوں اور مچھروں کی بہتات ہے۔

ماڈل کالونی کے گولڈ گراؤنڈ اور گلشن اقبال میں واقع منگل بازار گراؤنڈ کی صورتحال بھی خراب ہے جبکہ عزیز آباد کا جناح گراؤنڈ اب فیملی پارک بن چکا ہے۔

کورونا کے پیش نظر سندھ میں اجتماعی قربانی کے لیے مقامات مختص

ان اجتماعی قربان گاہوں کا مقصد سڑکوں، گلیوں میں قربانی کی حوصلہ شکنی کرنا ہے۔

علاقہ مکینوں کا کہنا ہے کہ اجتماعی قربانی سے نہ صرف پارک کی خوبصورتی متاثر ہوگی بلکہ بچوں سے ان کا پلے گراؤنڈ بھی چھن جائے گا۔

سندھ حکومت نے میدانوں میں اجتماعی قربانی کا کہہ دیا ہے لیکن یہ نہیں بتایا کہ صفائی کے انتظامات کون کرےگا؟، ان گراؤنڈز میں قربانی کیسے ہوگی؟، لوگ اس حوالے سے پریشان ہیں۔

کراچی میں عید الاضحٰی کی تیاریاں عروج پر

پاکستان میں یکم اگست بروز ہفتہ یعنی کل عید الضحیٰ منائی جائے گی جس کے لیے شہریوں کی جانب سے تیاریاں زور شور وں سے جاری ہیں

وبائی مرض کورونا وائرس کے پیش نظر نیشنل کمانڈ اینڈ آپریشن سینٹر (این سی او سی) کی ہدایت پر سندھ حکومت نے اجتماعی قربانی کے مقامات کا نوٹیفکیشن جاری کردیا ہے۔

ادھر کراچی میں یکم اگست بروز ہفتہ عیدالاضحیٰ منائی جائے گی جس کےلیے شہریوں کی تیاریاں آخری مراحل میں داخل ہوگئیں۔

شہر کے مختلف پٹرول پمپس پر لوگ اپنے جانوروں کو نہلانے کی غرض سے لارہے ہیں جبکہ مویشیوں کے چارے کے اسٹالز پر بھی کافی رش دیکھنے میں آرہا ہے۔