آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

برٹش پاکستانی عامر سرفراز ہاؤس آف لارڈز کے تاحیات رکن بن گئے

ملکہ برطانیہ نے وزیراعظم بورس جانسن کے مشورے پر برٹش پاکستانی عامر سرفراز کو ہاؤس آف لارڈز کا تاحیات رکن بنا دیا۔

عامر سرفراز کو کنزرویٹیو پارٹی کیلئے خدمات پر اعزاز سے نوازا گیا ہے، 38 سالہ عامر ہاؤس آف لارڈز کے کم عمر ترین رکن ہونگے۔

انہوں نے بوسٹن یونیورسٹی اور لندن اسکول آف اکنامکس سے تعلیم حاصل کی ہے۔

عامر سرفرازکا آبائی تعلق گجرات سے ہے، وہ روانی سے اردو بھی بولتے ہیں جبکہ کمیونٹی کو مرکزی سیاست کی طرف راغب کرنے کیلئے عامر سرفراز جنگ لندن میں مضامین بھی لکھتے رہے ہیں۔

عامرسرفراز کاکہنا ہے کہ ہاؤس آف لارڈز کا تاحیات رکن بننے کا اعزاز ملنے پر اللہ تعالیٰ کا شکر گزار ہوں۔

انہوں نے کہا کہ میں برطانیہ اور پاکستان کے تعلقات کی مضبوطی کیلئے کام کروں گا۔

بین الاقوامی خبریں سے مزید