آپ آف لائن ہیں
پیر19؍ذی الحج 1441ھ 10؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان کرکٹ ٹیم کے دورۂ جنوبی افریقا کے امکانات معدوم ہوگئے

پاکستان کرکٹ ٹیم کے دورۂ جنوبی افریقا کے امکانات معدوم ہوگئے۔ ذرائع کا کہنا ہے کہ کورونا وائرس کے باعث جنوبی افریقہ میں سیریز کا انعقاد ممکن نہیں ہوسکے گا۔

پاکستان کو ستمبر، اکتوبر میں شیڈول کےمطابق مختصر دورانیےکی سیریز کھیلنے جنوبی افریقہ جانا تھا۔

کرکٹ ساؤتھ افریقہ کے ڈائریکٹر گریم اسمتھ نے نومبر سے قبل انٹرنیشنل سیریز کے امکانات کو رد کردیا ہے۔

گریم اسمتھ کا کہنا ہے کہ انٹرنیشنل کرکٹ میں واپسی کب ہوگی، نومبر یا اس کے بعد کے منتظر ہیں، نومبر سے قبل انٹرنیشنل کرکٹ کے امکانات نہیں دیکھ رہے۔

انہوں نے کہا کہ ویسٹ انڈیز کا دورہ غیرمعینہ مدت کے لیے ملتوی کردیا گیا ہے، آئی پی ایل میں کھلاڑیوں کے جانے کی وجہ سے وقت نکالنا مشکل ہورہا تھا۔

گریم اسمتھ کا مزید کہنا ہے کہ کرکٹ کا نہ ہونا ملک کے لیے فنانشل ٹائم بم ہے، مالی طور پر ہم بہت مشکلات سے دوچار ہیں۔

کھیلوں کی خبریں سے مزید