آپ آف لائن ہیں
بدھ5؍ صفر المظفّر 1442ھ23؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت، ماں اور بیٹا ایک ساتھ میٹرک امتحان میں کامیاب

بھارت میں ایک ماں نے اپنے بیٹے کے ساتھ میٹرک کا امتحان پاس کرلیا۔ خاتون نے تعلیم حاصل کرنے کی لگن کی اعلیٰ مثال قائم کردی۔

بھارتی میڈیا کے مطابق ریاست مہاراشٹرا سے تعلق رکھنے والی 36 سالہ خاتون بے بی گورو نے اپنے 16 سالہ بیٹے کے ساتھ میٹرک کا امتحان دیا جس میں انہوں نے امتیازی نمبروں سے کامیابی حاصل کی۔

خاتون نے میٹرک میں 64.40 فیصد نمبرز حاصل کیے جب کہ ان کے ساتھ امتحان دینے والے بیٹے نے 73.20 فیصد نمبرز لیے۔

امتحان پاس کرنے پر خاتون کا کہنا تھا کہ ان کی شادی کم عمری میں ہوگئی تھی جس کی وجہ سے وہ اپنی اسکول کی تعلیم مکمل نہیں کرپائیں لیکن ان کے شوہر نے امتحان دینے پر زور دیا اور حوصلہ افزائی کی۔

خاتون کے شوہر نے کہا کہ میری اہلیہ اور بیٹے نے ایک ساتھ پڑھائی کی اور اچھے نمبرز حاصل کیے، مجھے ان پر فخرہے۔

بین الاقوامی خبریں سے مزید