آپ آف لائن ہیں
بدھ5؍ صفر المظفّر 1442ھ23؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بیلجیئم: روزانہ کورونا متاثرین کی تعداد 500 تک پہنچ گئی

بیلجیئم میں کورونا وائرس سے روزانہ متاثر ہونے والے مریضوں کی تعداد 500 تک پہنچ گئی ہے۔ یہ بات بیلجئین فیڈرل ہیلتھ منسٹری کی جانب سے جاری کردہ تازہ ترین اعداد و شمار میں بتائی گئی ہے۔

ترجمان وزارت صحت کے مطابق گذشتہ ایک ہفتے میں یعنی 24 سے 30 جولائی تک سامنے آنے مریضوں کی تعداد 3500 کے قریب ہے۔ جس کے بعد ہم آسانی سے کہ سکتے ہیں کہ ہمارے ہاں کرونا پازیٹیو کیسسز کی تعداد میں تیزی سے اضافہ ہورہا ہے۔

انہوں نے خبردار کیا کہ اگر بتائے گئے حفاظتی اقدامات پر عمل نہ کیا گیا تو یہ سب کو نقصان پہنچائے گا۔

انہوں نے اس بات کو دہرایا کہ ماسک لازمی پہنیں اور اگر ضروری ہو تو 5 سے زائد افراد سے ملاقات نہ کریں۔

یاد رہے کہ اس وقت بیلجیئم کا شہر اینٹورپ نئے مریضوں کے لحاظ سے سب سے آگے ہے، جہاں رات 11 بجے سے صبح 6 بجے تک کا کرفیو نافذ ہے جبکہ دارالحکومت برسلز کی 19 میں سے 16 مقامی میونسپلٹیز بھی مریضوں میں اضافے کے سبب حکومتی واچ لسٹ پر ہیں۔

اس کے ساتھ ہی وفاقی وزارت صحت کے ترجمان نے اپنی پریس کانفرنس میں نوجوانوں کو خصوصی طور پر مخاطب بناتے ہوئے مزید سنجیدہ ہونے کی ترغیب دی ہے۔

انہوں نے کہا کہ آپ اپنے بارے میں نہیں بلکہ اپنے والدین اور اپنے بزرگوں کے متعلق سوچیں جو آپ کی وجہ سے کورونا وائرس کا شکار ہو سکتےہیں۔

بین الاقوامی خبریں سے مزید