آپ آف لائن ہیں
پیر10؍صفر المظفّر 1442ھ 28؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان ٹیم کل سے ساؤتھمپٹن ٹیسٹ کی تیاریوں کا آغاز کرے گی

پاکستان کرکٹ ٹیم ساؤتھمپٹن ٹیسٹ کی تیاریوں کا کل سے آغاز کرے گی جہاں قومی کرکٹرز صبح کے سیشن میں ٹریننگ کریں گے۔

پاکستان اور انگلینڈ کے درمیان سیریز کا دوسرا ٹیسٹ 13 اگست سے شروع ہوگا۔

دوسری جانب دورہ انگلینڈ پر اسکواڈ میں شامل سابق کپتان سرفراز احمد نے موجودہ کپتان اظہر علی کو مضبوط رہنے کا مشورہ دیا ہے۔

آئی سی سی ٹیسٹ چیمپئن شپ میں شامل پاک انگلینڈ سیریز کا دوسرا معرکہ جمعرات سے ساؤتھمپٹن میں شروع ہوگا۔

پاکستان ٹیم مانچسٹر سے ساؤتھمپٹن پہنچ چکی ہے، جہاں دوسرے ٹیسٹ کی تیاری کے لیے کھلاڑی بھرپور ٹریننگ سیشنز کریں گے۔

پہلا ٹریننگ سیشن مقامی وقت کے مطابق صبح 10 بجے شروع ہوگا۔

سیریز کے پہلے میچ میں پاکستان کو انگلینڈ کے ہاتھوں تین وکٹ سے شکست کا سامنا کرنا پڑا تھا۔

اس شکست کے بعد کپتان اظہر علی کو ہر طرف سے تنقید کا سامنا ہے، لیکن ان کے ٹیم میٹ سرفراز احمد نے کپتان کو مضبوط رہنے کا مشورہ دیا ہے۔

سوشل میڈیا پر انھوں نے اظہر علی کے ساتھ اپنی ایک تصویر پوسٹ کی اور لکھا ’بھیا مضبوط رہیں، ہم باؤنس بیک کریں گے، پاکستان زندہ باد۔‘

پاکستان ٹیسٹ کرکٹ ٹیم کے کپتان اظہر علی نے سابق کپتان سرفراز احمد کے سوشل میڈیا پیغام پر جواب دیتے ہوئے انہیں عظیم آدمی قرار دے دیا۔

کھیلوں کی خبریں سے مزید