آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کامیاب جوان پروگرام کے قرضے کی حد ڈھائی کروڑ کردی، حفیظ شیخ


مشیر خزانہ حفیظ شیخ نے کہا ہے کہ ملکی معیشت میں جان پڑ رہی ہے، جولائی میں ایسی چیزیں ہوئی ہیں جس سے حکومت کا اعتماد بڑھا ہے۔

اُن کا کہنا تھا کہ حکومت نے کامیاب جوان پروگرام کے تحت قرضے کی حد پچاس لاکھ روپے سے بڑھا کر ڈھائی کروڑ روپے کر دی۔

اسلام آباد میں نیوز کانفرنس کے دوران حفیظ شیخ نے کہا کہ گزشتہ ماہ دو ارب ڈالر کی برآمدات ہوئیں جو جولائی 2019 سے 6 فیصد زیادہ ہے۔

حفیظ شیخ نے کہا کہ جولائی 2019 کے مقابلے میں گزشتہ ماہ سیمنٹ کا استعمال 20 فیصد زیادہ ہوا ہے۔

انہوں نے کہا کہ گزشتہ ماہ پیٹرول اور ڈیزل کے استعمال میں 6 فیصد اضافہ ہوا ہے۔

مشیر خزانہ نے کہا کہ کورونا کے بعد سے پاکستان اسٹاک ایکسچینج میں 47 فیصد اضافہ ہوا ہے۔

حفیظ شیخ نے کہا کہ بلوم برگ نے پاکستان اسٹاک ایکسچینج کی کارکردگی کو دنیا کی دوسری بہترین قرار دیا ہے۔

تجارتی خبریں سے مزید