آپ آف لائن ہیں
پیر10؍صفر المظفّر 1442ھ 28؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سوشل میڈیا پر ہراساں کیے جانے کیخلاف خواتین صحافیوں کا بیان


خواتین صحافیوں اور تجزیہ کاروں نے سوشل میڈیا پر ہراساں کیے جانے کیخلاف بیان جاری کیا ہے۔

سولہ خواتین صحافیوں اور تجزیہ کارو ں نے اپنے مشترکہ بیان میں کہا ہے کہ سوشل میڈیا پر کردار کشی کی گھٹیا مہم چلائی جاتی ہے اور جنسی حملوں کی دھمکیاں تک دی جاتی ہیں۔

وفاقی وزیر انسانی حقوق شیریں مزاری نے خواتین صحافیوں کے بیان کا نوٹس لیتے ہوئے حکومت سے سخت کارروائی کی اپیل کی ہے۔

شیریں مزار ی نے کہا کہ آن لائن ہرزہ سرائی گھٹیا اور ناقابل قبول ہے۔

چیئرمین پیپلزپارٹی بلاول بھٹو زرداری نے بھی معاملے کانوٹس لیتے ہوئے خواتین صحافیوں کو قومی اسبملی کی انسانی حقوق کمیٹی کے چیئرمین کی حیثیت سے مدعو کرلیا ہے۔

پاکستان فیڈرل یونین آف جرنلسٹ نے بھی خواتین صحافیوں کو ہراساں کرنے والوں کے خلاف فوری اور سخت کارروائی کا مطالبہ کیا ہے۔

قومی خبریں سے مزید