جشنِ آزادی کی مرکزی تقریب، صدرِ مملکت نے پرچم لہرایا

پاکستان بھر میں آج 73 واں جشنِ آزادی منایا جا رہا ہے، اسی مناسبت سے ایوانِ صدر اسلام آباد میں جشنِ آزادی کی مرکزی تقریب منعقد کی گئی۔

پورے ملک اور دنیا بھر میں موجود پاکستانی آج پاکستان کا 73 واں جشنِ آزادی ملی جوش و جذبے سے منا رہے ہیں۔

محمد بن سلمان کی صدر عارف علوی کو یومِ آزادی کی مبارکباد

سعودی ولی عہد محمد بن سلمان نے صدر عارف علوی کے لیے بھی نیک تمناؤں کا اظہار کیا۔

گلی گلی، محلے محلے سبز ہلالی پرچموں اور ہری جھنڈیوں کی بہار ہے۔

یومِ آزادی شایانِ شان انداز سے منانے کے لیے ملک بھر میں تقریبات سجائی جا رہی ہیں۔

ایوانِ صدر اسلام آباد میں منعقد کی گئی جشنِ آزادی کی مرکزی تقریب میں صدرِ مملکت ڈاکٹر عارف علوی نے پرچم کشائی کی۔

یہ بھی پڑھیئے:۔

بھارت کشمیریوں کی جان چھوڑ دے، صدر مملکت ڈاکٹر عارف علوی

تقریب میں صدر مملکت ڈاکٹر عارف علوی کے علاوہ اسپیکر قومی اسمبلی اسد قیصر اور چیئرمین سینیٹ صادق سنجرانی بھی شریک ہوئے۔

ایوانِ صدر میں منعقد کی گئی تقریب میں وزیرِ خارجہ شاہ محمود قریشی اور وزیرِ اطلاعات شبلی فراز نے بھی شرکت کی۔