• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان میں ایڈیشنل آئی جی جنوبی پنجاب کا دفتر مکمل فعال کردیا گیا،انعام غنی

میرا شہر
ملتان
21 اگست ، 2020
ملتان (سٹاف رپورٹر) ایڈیشنل آئی جی جنوبی پنجاب انعام غنی نے کہا ہے کہ ملتان میں ایڈیشنل آئی جی جنوبی پنجاب کا آفس مکمل فعال کردیا گیا ہے۔ اس سلسلے میں بوسن روڈ پر واقع عمارت میں مکمل سیٹ اپ تشکیل دیا گیا ہے۔ ان خیالات کا اظہار انہوں نے گزشتہ روز نئے اے آئی جی جنوبی پنجاب آفس کے افتتاح کے موقع پر پریس کانفرنس کرتے ہوئے کیا۔ آر پی او وسیم احمد خان بھی اس موقع پر موجود تھے۔ انعام غنی نے کہا کہ انکا آفس پولیسنگ اور پالیسی میکنگ کے حوالے سے مکمل خودمختار ہے، نئے آفس میں افسران کی تعیناتی مکمل ہوچکی ہے جبکہ جلد گزیٹیڈ سٹاف بھی مل جائے گا، انہوں نے کہا کہ وزیراعلیٰ پنجاب جلد ملتان کا دورہ کرکے مستقل آفس کی عمارت کا سنگ بنیاد رکھیں گے۔ ایک سوال کے جواب میں انکا کہنا تھا کہ محرم الحرام کے حوالےسے پورے جنوبی پنجاب میں سیکورٹی کے فول پروف انتظامات یقینی بنائے جائیں گے۔
تازہ ترین