فرمان الہی
نماز کے اوقات
پاکستان کرکٹ ٹیم کے سابق کپتان وسیم اکرم کی اہلیہ شنیرا اکرم نے تیمور اکرم کی سالگرہ کے دن انہیں یاد کرتے ہوئے ایک پوسٹ شیئر کی ہے۔
پاکستان سے باہر مقیم تیمور اکرم وسیم اکرم کی پہلی اہلیہ ہما مفتی سے 1996 میں ہونے والے بیٹے ہیں۔
وسیم اکرم کی اہلیہ شنیرا اکرم نے تیمور کی سالگرہ کے دن انہیں یاد کرتے ہوئے ایک پوسٹ شیئر کی ہے جس میں انہوں نے تیمور کو سالگرہ کی مبارکباد دی اور بتایا کہ وہ انہیں بہت یاد کرتی ہیں۔
انہوں نے لکھا کہ اگر ابھی دنیا معمول کے مطابق چل رہی ہوتی تو اس لمحے کو یادگار بنانے کے لیے آپ ہمارے ساتھ یہاں موجود ہوتے۔
شنیرا نے لکھا کہ ’میرے بڑے بیٹے، دوست اور ایک مزاحیہ شخصیت کو سالگرہ کی بہت بہت مبارک ہو۔‘
انہوں نے لکھا کہ ’تیمور ہمیں آپ کی بہت یاد آتی ہے لیکن ہم یہ جانتے ہیں ہیں آپ اس وقت محفوظ مقام پر خوش ہیں۔‘
شنیرا نے اپنی پوسٹ میں تیمور سے جلد ملنے کا وعدہ بھی لیا۔
یاد رہے کہ وسیم اکرم نے شنیرا سے قبل ہما مفتی سے 12 اکتوبر 1993 کو پسند کی شادی کی تھی۔
کراچی سے تعلق رکھنے والی ہما نے وسیم کو پہلی بار لندن میں لنکا شائر کیلئے کھیلتے ہوئے دیکھا تھا۔ دونوں کی دوستی ہوئی جس کے بعد وہ شادی کے بندھن میں بندھ گئے۔ ان کی بارات کراچی اور ولیمہ لاہور میں ہوا تھا۔ دونوں کے 2 بیٹے تیمور اور اکبر ہیں ۔
انگلش لٹریچر اورسائیکالوجی میں ماسٹر ڈگری رکھنے والی ماہر نفسیات ہما نے کچھ عرصہ شوکت خانم میموریل اسپتال میں بھی کام کیا۔
اکتوبر 2009 میں علالت کے باعث لاہورکے اسپتال میں زیرعلاج رہنے کے بعد وسیم اکرم چارٹرڈ طیارے کے ذریعے ڈاکٹر اور نرس کی موجودگی میں ہما کوسنگا پور لیکرجا رہے تھے کہ ان کی حالت تشویشناک ہوجانے پر بھارت لے جایا گیا جہاں چند روز زیرعلاج رہنے کے بعد ہما اکرم 42 سال کی عمر میں انتقال کرگئیں ۔
لیجنڈ کرکٹر نے سال 2013 میں آسٹریلوی نژاد شنیرا اکرم سے شادی کی جن سے ان کی ایک بیٹی عائلہ ہے۔ عائلہ کی پیدائش 2014 میں ہوئی تھی۔
