کراچی کے گڈاپ ٹاؤن میں تھڈو ڈیم اوور فلو ہوگیا

کراچی کے گڈاپ ٹاؤن میں تھڈو ڈیم اوور فلو ہوگیا، آس پاس کے علاقے زیر آب آنے کا خطرہ ہے۔

پانی کی گنجائش ختم ہونے کے ساتھ ڈیم میں شگاف بھی پڑگیا ہے، جہاں سے پانی کا رساؤ جاری ہے۔

تھڈو ڈیم میں پانی ذخیرہ کرنے کی گنجائش 80 فٹ تک تھی جو اب پوری ہوچکی ہے۔

کراچی میں بارش، نظام زندگی درہم برہم

سڑکیں تالاب بننے کے بعد لوگوں کی آمدوفت تقریباً بند ہوچکی ہے اور گھروں سے باہر نکلے ہوئے شہری پانی میں پھنسے ہوئے ہیں۔

ڈیم اوور فلو ہونے کے باعث پانی ڈیم سے باہر آرہا ہے، جس کے باعث ڈیم کے آس پاس کے علاقوں کے متاثر ہونے کا خدشہ ہے۔ 

واضح رہے کہ کراچی میں گزشتہ روز سے بارش کا سلسلہ وقفے وقفے سے جاری ہے جہاں شہری علاقے بھی زیر آب آگئے اور سڑکیں تالاب بن گئیں۔