• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ،آئندہ عدالتی ہفتے کا ججز روسٹر اور کاز لسٹ جاری

آج کا اخبار
اہم خبریں
30 اگست ، 2020
اسلام آباد (اے پی پی) سپریم کورٹ پرنسپل سیٹ اسلام آباد کیلئے آئندہ عدالتی ہفتے کا ججز روسٹر اور کاز لسٹ جاری کر دی گئی ہے۔ہفتہ کو عدالت عظمی سے جاری کردہ ججز روسٹر کے مطابق 31 اگست تا 04 ستمبر 2020ء کے دوران سپریم کورٹ پرنسپل سیٹ اسلام آباد میں تین ریگولر بینچز مختلف مقدمات کی سماعت کرینگے۔جسکے مطابق بینچ ایک چیف جسٹس گلزار احمد اور جسٹس اعجاز الاحسن پر مشتمل ہوگا۔بینچ دو میں جسٹس مشیر عالم اور جسٹس قاضی محمد امین احمد شامل ہونگے جبکہ بینچ تین جسٹس قاضی فائز عیسیٰ اور جسٹس سردار طارق مسعود پر مشتمل ہوگا۔ عدالت عظمیٰ سے جاری کاز لسٹ کے مطابق سندھ میں غیر اعلانیہ لوڈ شیڈنگ کیخلاف از خود نوٹس پر سماعت 01 ستمبر بروز (منگل) کو ہوگی۔زیر زمین پانی کے استعمال اور قیمت کے تعین سے متعلق از خود نوٹس کیس اور جعلی بینک اکائونٹس اسکینڈل کے ملزم اومنی گروپ کے سربراہ خواجہ انور مجید کی درخواست ضمانت پر سماعت 2؍ستمبر بروز (بدھ) کو ہوگی۔پنجاب لوکل گورنمنٹ ایکٹ 2019 ءکیخلاف دائر درخواست پر سماعت 3؍ستمبر بروز (جمعرات) کو ہوگی۔
تازہ ترین