فرمان الہی
نماز کے اوقات
اپوزیشن جماعت مسلم لیگ (ن) کے صدر اور قائد حزب اختلاف شہباز شریف نے یوم عاشور پر شہدائے کربلا کی قربانیوں کو خراج عقیدت پیش کیا۔
انہوں نےکہاکہ امام عالی مقام حضرت امام حسین رضی اللہ تعالیٰ عنہ اور آپ کے جانثار ساتھیوں کا پاکیزہ لہو ، تا قیامت حق، اصول اور سچائی کی گواہی دیتا رہے گا۔
شہباز شریف نے مزید کہاکہ حضرت امام حسین رضی اللہ تعالیٰ عنہ کی شہادت حق اور باطل کا فرق واضح کرنے کے لیے تھی۔
ان کا کہنا تھاکہ آج بھی حضرت امام حسین رضی اللہ تعالیٰ عنہ اور یزید کی سوچ کے درمیان جنگ جاری ہے۔
مسلم لیگ (ن) کے صدر نے یہ بھی کہاکہ حضرت امام حسین رضی اللہ تعالیٰ عنہ کے پیروکار امن، انصاف اور عوام کی بھلائی کے راستے پر چل رہے ہیں۔
انہوں نے کہا کہ دنیا کا ہر حق پرست، انصاف پسند اور باضمیر انسان حضرت امام حسین رضی اللہ تعالیٰ عنہ کے ساتھ کھڑا ہے ۔
