فرمان الہی
نماز کے اوقات
خیبر پختون خوا کے ضلع ڈیرہ اسماعیل خان میں سرکاری اراضی واگذار کرانے کے دوران ایک مکان سے پولیس پارٹی پر فائرنگ کی گئی، جس کے نتیجے میں ایس ایچ او سمیت 2 اہلکار زخمی ہو گئے۔
ڈیرہ اسماعیل خان کی کینٹ پولیس کے مطابق ایس ایچ او کینٹ پولیس نفری کے ہمراہ سرکاری زمین پر تعمیر کردہ گھر کا قبضہ چھڑانے گئے تو گھر کے اندر سے اچانک فائرنگ شروع ہو گئی۔
فائرنگ کے نتیجے میں کینٹ تھانے کے ایس ایچ او انسپکٹر غفار اور کانسٹیبل سلیم زخمی ہو گئے۔
یہ بھی پڑھیئے: دکی میں فائرنگ، SHO زخمی
پولیس نے جوابی کارروائی کرتے ہوئے گھر میں گھس کر وہاں موجود جہانگیر نامی ملزم اور اس کے بیٹے ارشد کو اسلحے سمیت گرفتار کر لیا۔
پولیس نے ملزمان کے خلاف کینٹ تھانے میں مقدمہ درج کر کے ملزمان سے تفتیش شروع کر دی ہے۔
