ملکہ برطانیہ، ہیری اور میگھن کے نیٹ فلیکس کے ساتھ معاہدہ پر ناراض

برطانیہ کی ملکہ الزبیتھ اپنے پوتے شہزادہ ہیری اور ان کی اہلیہ میگھن مارکل کے امریکی ٹیکنالوجی، میڈیا سروسز پرووائیڈر اور پروڈکشن کمپنی نیٹ فلیکس  کے ساتھ معاہدہ پر سخت ناراض ہیں۔

یاد رہے کہ ڈیوک اور ڈچز آف سسیکس نے گزشتہ ہفتے اعلان کیا تھا کہ ان کی پروڈکشن کمپنی کا نیٹ فلیکس (اسٹیرمنگ جائنٹ فلم پروڈکشن اور ڈاکومینٹری بنانے والے امریکی ادارے) کے ساتھ کروڑوں ڈالر کا معاہدہ ہوگیا ہے۔

ہیری اور میگھن نے نیٹ فلیکس سے معاہدہ شاہی خاندان کو دبائو میں لانے کے لیے کیا، شاہی تبصرہ نگار

برطانوی شاہی خاندان کے سینیئر رکن شہزادہ ہیری اور انکی اہلیہ ڈچز آف سسیکس میگھن مارکل کی جانب سے نیٹ فلیکس کے ساتھ ہونے والے نئے میگا ڈیل (معاہدہ) کو شاہی خاندان پر دبائو ڈالنے کے حوالے سے ایک بڑا اقدام قرار دیا جارہا ہے۔

اطلاعات کے مطابق 35 سالہ شہزادہ ہیری اور 39 سالہ میگھن اس منفعت بخش معاہدے کے ذریعے 15 کروڑ ڈالر کمائیں گے۔

ایک برطانوی اخبار کے مطابق ملکہ الزبیتھ  ثانی شہزادہ ہیری اور ان کی بیوی میگھن (سابق امریکی  اداکارہ ) کے نیٹ فلیکس کے ساتھ اس معاہدے کے سخت خلاف ہیں۔

مذکورہ برطانوی اخبار نے شاہی خاندان کے اندروںی ذرائع کے حوالے سے بتایا ہے کہ اگرچہ ملکہ برطانیہ اس ڈیل سے سخت ناخوش ہیں، لیکن وہ جانتی ہیں کہ وہ شہزادہ ہیری اور میگھن کا ذہن تبدیل نہیں کرپائیں گی، کیونکہ اب اس حوالے سے بہت تاخیر ہوچکی ہے۔

برطانوی شہریت کے حصول میں حائل رکاوٹ نے ہیری و میگھن کو فوری شادی پر مجبور کیا

میگھن مارکل اور شہزادہ ہیری نے 2018 میں ہونے والی اپنی پہلی ملاقات اور ڈیٹنگ کے صرف چند ماہ بعد ہی شادی کے عہد وپیمان میں بندھ گئے۔ اور دونوں کی منگنی کی اطلاع بھی سب کے لیے ایک حیرت انگیز خبر تھی، کیونکہ انکے رومانس کے بارے میں اس سے قبل کسی کو کچھ معلوم ہی نہیں تھا۔

اس سے قبل یہ اطلاعات بھی تھیں کہ شہزادہ ہیری اور میگھن نے اپنے اس معاہدے کے حوالے سے ملکہ برطانیہ کو آگاہ نہیں کیا۔

برطانیہ کے مشہور ٹیبلوئیڈ میڈیا پورٹل، ڈیلی میل نے شاہی خاندان کے ذرائع کا حوالہ دیتے ہوئے کہا کہ ملکہ کو اس معاہدے کی اطلاع ان کے معاونین نے دی۔