تُرک اداکار جلال کے دادا انتقال کر گئے

اسلامی فتوحات پر مبنی مقبول ترین تُرک سیریز ’ارطغرل غازی‘ میں عبدالرحمن غازی کا کردار ادا کرنے والے تُرک اداکار جلال کے دادا انتقال کرگئے۔

فوٹو اینڈ ویڈیو شیئرنگ ایپ انسٹاگرام پر جلال نے اپنے مرحوم دادا کے ہمراہ اپنی ایک یادگار سیلفی پوسٹ کی جس میں جلال کے دادا اُن کے کندھے پر ہاتھ رکھے کھڑے مُسکرارہے ہیں۔

انسٹاگرام پر سیلفی پوسٹ کرتے ہوئے جلال نے اپنے مداحوں کو ایک اہم خبر سے آگاہ کرتے ہوئے لکھا کہ’اُن کے دادا مہمد جو کہ اُن کے خاندان کے سب سے بُزرگ شخص تھے وہ اِس دُنیا سے رخصت ہوگئے ہیں۔‘

یہ بھی پڑھیے: ترک اداکار کا پاکستان کے یومِ دفاع پر خصوصی پیغام

جلال نے اپنے مداحوں کو یہ افسوسناک خبر دیتے ہوئے اپنے دادا کی مغفرت کے لیے دُعا بھی کی۔

تُرک اداکار کے دادا کے انتقال پر اُن کے پاکستانی مداحوں کی جانب سے دلی تعزیت کی جارہی ہے۔

واضح رہے کہ اِس سے قبل جلال نے یومِ دفاع پاکستان کے موقع پر خصوصی پیغام جاری کیا تھا، اُنہوں نے اپنی انسٹاگرام اسٹوری میں پاکستان میں موجود تمام مداحوں کو اس دن کی مناسبت سے تصویر شیئر کرتے ہوئے مبارکباد دی تھی۔

انہوں نے اپنے پیغام میں ہیش ٹیگ پاکستان، پاکستان زندہ آباد، پاک ترک دوستی بھی لکھا تھا۔

ہم علامہ اقبال کو کبھی نہیں بھول سکتے، جلال

شہرہ آفاق تُرک سیریز ’دیرلیش ارطغرل‘ میں بہادر سپاہی عبد الرحمٰن کا کردار ادا کرنے والے جلال نے پاک تُرک بھائی چارے کو بیان کرتے ہوئے فوٹو اور ویڈیو شیئرنگ ایپ انسٹاگرام پر پاکستان اور تُرکی کے پرچم کی تصویر شیئر کردی۔

یاد رہے کہ جلال نے تُرک سیریز ’دیرلیش ارطغرل‘ میں قائی قبیلے کے ایک بہادر اور ایماندار سپاہی کا کردار ادا کیا ہے۔