آپ آف لائن ہیں
اتوار2؍صفر المظفّر 1442ھ 20؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

گانا’سجنی‘ میں فرحان سعید کی عُمر کتنی تھی؟


پاکستان میوزک انڈسٹری کے معروف گلوکار و اداکار فرحان سعید نے سوشل میڈیا پر اپنی ایک یادگار ویڈیو شیئر کرتے ہوئے مداحوں سے ایک دلچسپ سوال پوچھ لیا۔

فوٹو اینڈ ویڈیو شیئرنگ ایپ انسٹاگرام پر فرحان سعید نے اپنی ایک ویڈیو پوسٹ کی جس میں وہ ماضی کا سُپر ہٹ گانا ’سجنی‘ گنگناتے نظر آرہے ہیں جبکہ ویڈیو میں اُن کے ہمراہ جل بینڈ کے گلوکار گوہر ممتاز بھی ہیں جو گیٹار بجاتے دکھائی دے رہے ہیں۔


ویڈیو پوسٹ کرتے ہوئے فرحان سعید نے اپنے چاہنے والوں سے ایک دلچسپ سوال کرتے لکھا کہ ’آپ سب اندازہ لگائیں کہ اُس وقت میری عُمر کتنی تھی؟

فرحان سعید کی جانب سے اُن کی عُمر پوچھنے پر مداحوں نے اپنے اندازے لگاتے ہوئے کمنٹ سیکشن میں اپنے جوابات دیے۔

گلوکار نے ماضی کے دِنوں کو یاد کرتے ہوئے لکھا کہ ’سجنی کو ایک لمبا عرصہ ہوگیا ہے اور مجھے یہ سب ایک خواب محسوس ہوتا ہے۔‘

اُنہوں نے مزید لکھا کہ ’اب مجھ سے انتظار نہیں ہورہا ہے کہ میں اپنے چاہنے والوں کے لیے اسٹیچ پر پرفارمنس دوں اور بہترین کارگردگی کا مظاہرہ کروں۔‘

واضح رہے کہ ’سجنی‘ گانا پاکستان کے معروف پاپ بینڈ ’جل‘ کا ہے جو کہ 2007 میں ریلیز ہوا تھا اور اِس گانےکے گلوکار فرحان سعیدتھے۔

انٹرٹینمنٹ سے مزید