مروہ زیادتی و قتل کیس میں دہشت گردی کی دفعات شامل

کراچی کے علاقے عیسیٰ نگری میں زیادتی کے بعد قتل کی گئی 5 سالہ مروہ کے کیس میں دہشت گردی کی دفعات شامل کردی گئیں۔

دہشت گردی دفعات شامل کیے جانے کے بعد پولیس نے کیس کے ملزم نواز کو 5 روزہ جسمانی ریمانڈ پر تحویل میں لے لیا ہے۔

پولیس ذرائع کےمطابق نواز کے علاوہ گرفتار دیگر 2 ملزمان کو اے ٹی سی عدالت کے منتظم جج کے سامنے پیش کیا جائے گا۔

کراچی: مروہ کا اصل قاتل گرفتار، پولیس کا دعویٰ

کراچی کے علاقے عیسیٰ نگری میں زیادتی کے بعد قتل کی جانے والی 6سالہ بچی مروہ کے کیس میں پیشرفت ہوئی ہے، پڑوسی ملزم نواز کو گرفتار کرلیا گیا۔

اس سے قبل مروہ کیس میں اہم پیشرفت سامنے آئی تھی، پولیس نے مزید 2 ملزمان کو گرفتار کیا تھا۔

گرفتار ملزمان میں سے ایک افغان شہری ہے، جس نے پاکستان کا قومی شناختی کارڈ اور پاسپورٹ بھی بنا رکھا ہے۔

گرفتار ملزمان میں سے ایک درزی اور دوسرا کچرا چننے والا ہے، جن کے ڈی این اے سیمپل جانچ کے لیے جام شورو لیب بھیج دیے گئےہیں۔

کراچی: مروہ سے زیادتی و قتل کیس میں اہم پیش رفت

پولیس نے مزید 2 ملزمان کو گرفتار کرلیا

چند روز قبل پولیس حکام نے مروہ قتل کیس کے مرکزی ملزم نواز کو گرفتار کیا تھا۔

پولیس کا دعویٰ ہے کہ نواز ہی اصل ملزم ہے، دوران تفتیش جس کے خلاف ثبوت بھی ملے ہیں، جسے باقاعدہ طور پر گرفتار کرلیا گیا ہے۔