فرمان الہی
نماز کے اوقات
سعودی وزیر دفاع شہزادہ خالد بن سلمان نے یمنی عوام اور دھڑوں کے نام پیغام میں کشیدگی ختم کرنے کو کہا ہے۔
ریاض سے جاری اپنے پیغام میں شہزادہ خالد بن سلمان نے یمنی عوام اور دھڑوں سے دانشمندی اپنانے اور کشیدگی ختم کرنے پر زور دیا۔
انہوں نے کہا کہ یمن میں امن کی طرف بڑھنا وقت کی اہم ضرورت ہے، یمن کا مسئلہ منصفانہ سیاسی مسئلہ ہے، نظر انداز نہیں کیا جا سکتا۔
سعودی وزیر دفاع نے کہا کہ یمن کے مسئلے کو ذاتی مفادات یا بے مقصد تنازعات کے لیے استعمال نہیں ہونا چاہیے۔
انہوں نے کہا کہ سعودی عرب نے تمام یمنی فریقوں کو ریاض کانفرنس میں جمع کیا۔
سعودی وزیر دفاع کا کہنا تھا کہ ریاض کانفرنس کا مقصد یمن میں جامع سیاسی حل اور جنوبی مسئلے کا حل تلاش کرنا تھا۔
